Спорт
Фудбалско чудо! Линколн од Гибралтар влезе во Конференциската лига на УЕФА!
Откако вчера Шериф од Тираспол влезе во историјата како прв молдавски клуб кој влегол во групната фаза на Лигата на шампиони, вечерва се случи поголемо фудбалско чудо – тимот на Линколн ред импс од најновиот член на УЕФА, Гибралтар направи сензација влегувајќи во групната фаза на новата Конференциска лига на УЕФА со елиминација на летонскиот Рига ФЦ.
Линколн ги пречекаа Рига дома по одличните 1:1 на гости, пред да се повтори истиот резултат по регуларните 90. минути. Во проодлженијата, Ред импс постигнаа два гола за историски успех на клубот. Да потсетиме, Гибралтар е член на УЕФА од 2013 година, а државата има само 34.000 жители, како втора најмала по популација во УЕФА (по Сан Марино).
Рома на Жозе Мурињо рутински со 3:0 го победи и во вториот меч Трабзонспор, а лесна задача имаше и француски Рен, кој ги совлада Розенборг на гости со 1:3.
УЕФА ЕВРОПА КОНФЕРЕНЦИСКА ЛИГА, БАРАЖ, РЕВАНШ
Алмати (Каз) – Фола (Лук) 3:1, прв меч 4:1, вкупно 7:2
Бодо/Глимт (Нор) – Жалгирис (Лит) 1:0, прв меч 3:2, вкупно 4:2
Линколн (Гиб) – Рига ФЦ (Лет) 1:1, 3:1 по продолженија, прв меч 1:1, вкупно 4:2
Жилина (Свк) – Јаблонец (Чеш) 0:3, прв меч 1:5, вкупно 1:8
Анортозис (Кип) – Хапоел Бер Шева (Изр) 3:1, прв меч 0:0, вкупно 3:1
Рома (Ита) – Трабзонспор (Тур) 3:0, прв меч 2:1, вкупно 5:1
Елфсборг (Шве) – Феенорд (Хол) 3:1, прв меч 0:5, вкупно 3:6
Копенхаген (Дан) – Сиваспор (Тур) 5:0, прв меч 2:1, вкупно 7:1
Макаби Хаифа (Изр) – Нефчи Баку (Азе) 4:0, прв меч 3:3, вкупно 7:3
Розенборг (Нор) – Рен (Фра) 1:3, прв меч 0:2, вкупно 1:5
Витесе (Хол) – Андерлехт (Бел) 2:1, прв меч 3:3, вкупно 5:3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.