Спорт
„Газење“ во Спа! Ферстапен од 14. место до супериорна победа
Асот на Ред бул рејсинг, Макс Ферстапен направи уште еден голем чекор кон одбрана на Формула 1 титулата, откако во една супериорна трка, од 14. место на стартот стигна до убедлива победа на Белгиското ГП пред својот клупски колега, Серхио Перез, во трка во која уште еднаш се покажаа слабостите на Ферари, на стратешки план, но и во перформансите на болидот.
Ферстапен беше супериорен цел викенд на неговата омилена патека, Спа-Франкошамп, но стартуваше од средината поради тоа што Ред бул го сменија неговиот мотор. Болидот, кој сигурно беше секунда по круг побрз од машините на ривалите, ја покажа својата сил, и Ферстапен лесно се искачи на првото место, претекнувајќи го Карлос Саинс Јуниор толку лесно во 12. круг, што Шпанецот немаше шанса ниту да се обиде да направи дефанзивен потег. По ова, тој направи предност од над 16 секунди пред Чеко Перез за можеби најлесна победа во неговата кариера.
Стартот на трката беше одбележан со судирот на двајца поранешни светски шампиони и поранешни клупски колеги, Луис Хамилтон во Мерцедес и Фернандо Алонсо во Алпине. Хамилтон не му даде доволно место на Алонсо да ја помине третата кривина од трката, по што Алонсо го нарече Хамилтон „идиот“ во радио-пораката, но Британецот не доби казна од стјуардите.
Проблемите на Ферари почнаа кога го повикаа Шарл Леклер уште на стартот на трката во боксот за менување на гумите, по што тој не можеше да го следи недопирливиот Ферстапен. Саинс успеа да го одбрани местото на подиумот од Џорџ Расел во Мерцедес, додека Леклер на крајот заврши со петтото место, како што му порачаа и од тимот во интересна радио-порака.
Алонсо беше шести за Алпине, а во поени беа и неговиот колега Естебан Окон, Себастијан Фетел (Астон Мартин), Пјер Гасли (Алфа Таури) и Алекс Албон (Вилијамс).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.