Спорт
Геце и Захави го здробија Галатасарај во Ајндховен – „летаа“ црвени картони во Атина
Екипа на ПСВ Ајндховен е поблиску до групната фаза во Лигата на шампионите за разлика од нивниот денешен противник, тимот на Галатасарај. Холандскиот тим славеше со 5-1 на првиот натпревар од второто квалификациско коло за елитното натпреварување.
Израелскиот голгетер Еран Захави постигна хет-трик и по 90 минути со една нога го одведе својот тим во третото коло и дуел против подобриот од дуелот Селтик – Митјиланд (1:1 по првите 90 минути во Шкотска). Имаше голема поддршка од Германецот Марио Геце кој двапати ја тресеше мрежата на Муслера.
Инаку, Захави мрежата на истанбулскиот тим ја „начна“ уште во втората минута. Веќе во 35 минута по вторпат ја затресе противничката мрежа.
Само 7 минути подоцна Килинч го намали резултатот на 2-1, но тоа беше се што тимот предводен од Фатих Терим направи во Холандија.
Во вториот дел комплетен распад во гостинскиот состав.
Марио Геце во 52 минута погоди за 3-1.
Мирно на теренот во Ајндховен беше се до 84 минута кога најпрво со неговиот трет гол Захави зголеми на 4-1, а Геце стави точка на мечот со погодокот во 89 минута.
Грчкиот шампион Олимпијакос потешко од очекувањата дојде до минимална предност од 1-0 на првиот дуел со Нефчи Баку. Единствениот гол беше дело на Камара во 29 минута.
Мечот го одбележаа двата црвени картони, по еден на двете страни.
Стрелецот на единствениот гол „поцрвене“ во 43 минута, а Челик во 63 минута ги израмни силите на теренот.
На третиот дуел во истиот термин Легија Варшава во Полска со гол во 91 минута стигна до триумф од 2-1 против естонска Флора.
Капустка во 3 минута донесе предност за домашните од 1-0, а на 1-1 израмни Сапинен во 53 минута.
Голот за победа беше дело на Рафаел Лопез во судиското надополнување. Победникот од овој двомеч оди на подобриот од двомечот Динамо – Омонија.
Реваншите се наредната недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дали Премиер лигата е најсилна во светот на фудбалот?
Сезоната 2023/2024 во европските купови стана вистински кошмар за клубовите од најсилната лига во светот, англиската Премиер лига.
Во завршницата, Премиер лигата има само еден тим. Честа на англиското фудбал ја брани Астон Вила и тоа во третото според ранг европско натпреварување, Конференциската лига.
Англија нема претставник во Лигата на шампионите, откако Манчестер сити и Арсенал беа елиминирани во средата, во четвртфиналето, а претходно Манчестер јунајтед и Њукасл испаднаа во фазата по групи.
Во елитното натпреварување Премиер лигата доживеа вистински дебакл, бидејќи англиските тимови освоија три титули во последните пет сезони.
Синоќа, во четвртфиналето сезоната во Лига Евопа ја завршија Ливерпул и Вест Хем. Во
За прв пат по девет години ниту, Англија нема полуфиналист во двете најсилни европски натпреварувања.
Честа на англискиот фудбал остана да ја брани Астон Вила. Клубот од Бирмингем во полуфиналето ќе игра против Олимпијакос.
Спорт
Дождот направи хаос, Норис пред Хамилтон и Алонсо на пол-позицијата за спринт-трката во Шангај
Ландо Норис најдобро се снајде во хаотичните услови во квалификациите за првата спринт трката оваа сезона во Формула 1, Големата награда на Кина.
Дождот им создаде големи проблеми на возачите, а во такви услови најдобар беше пилотот на Мекларен. Норис забележа време 1:57.940 минути, кое беше за 1,2 секунди подобро времето на Луис Хамилтон (Мерцедес) и 1,9 секунди побрзо од времето на Фернандо Алонсо (Астон Мартин).
Искуството на Хамилтон и Алонсо пресуди во борбата со пилотите на Ред Бул и Ферари кои возат подобри болиди.
Актуелниот светски првак, Макс Ферстапен спринтот в Шангај ќе го започне од четвртото место, зад него се Карлос Саинц (Ферари), Серхио Перез (Ред Бул), Шарл Леклер (Ферари), Оскар Пјастри (Мекларен), Валтери Ботаси и Жу од Заубер.
Спринт трката во пресрет на Големата награда на Кина, утре се вози во 5 часот по македонско време. Квалификациите за главната трка ќе се одржат четири часа подоцна. Големата награда на Кина започнува во недела во 9 часот.
Спорт
„Им посакувам сѐ најдобро на моите браќа на Олимпијадата, јас не сум доволно добар“
Кошаркарот на Далас Кајри Ирвинг не се најде на списокот на репрезентацијата на САД за претстојните Олимписки игри во Париз.
Плејмејкерот на Маверикс изјави дека не е изненаден што не е меѓу 12-те избрани за олимпискиот турнир.
Ирвинг, освои злато со тимот на САД на Олимпијадата во 2016 година во Рио де Жанеиро.
„Им посакувам се најдобро на моите браќа. Едноставно не бев доволно добар за овој тим“, рече Ирвинг.
„Процесот на изборот беше тежок. Но, повторно, немам ништо друго освен почит кон овие момци. Во овој момент од мојата кариера, мислам дека мојот фокус треба да биде на освојување на шампионатот“, додаде бекот на Далас.
Тимот на Стив Кер во Париз го сочинуваат Леброн Џејмс, Девин Букер, Џејсон Тејтум, Кави Ленард, Џоел Ембид, Тајрис Халибартон, Џру Холидеј, Бем Адебајо, Стеф Кари, Ентони Дејвис, Ентони Едвардс и Кевин Дурент.