Спорт
Германците ја декласираа Франција за прво изненадување на Евробаскетот
Германските кошаркари го направија првото изненадување на Евробаскетот, откако во Келн со 76:63 ја победија фаворизираната Франција, во меч кој започна со повлекувањето на германскиот дрес со број 14 на легендарниот Дирк Новицки.
Јоханес Тиман имаше 14 поени за Германците, Маодо Ло додаде 13 поени и 5 скока, додека кај Французите најдобар беше Гершон Јабуселе со 18 поени. Во нервозниот почеток на мечот, Германците имаа четири поени предност по првата четвртина (17:13), по што го заддржаа водството до полувреме, кога имаа седум предност (38:31).
Французите се „разбудија“ во третата четвртина за да поведат со 39:38, но потоа до крајот на третината, Германија направи огромни 14 поени предност, 57:43.
ГРУПА Б
Босна и Херцеговина – Унгарија 95:85
Словенија – Литванија 92:85
Франција – Германија 63:76
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
МЗТ го декласира Широки
Foto/ MZT Skopje Aerodrom/ Petr Stojanovski
Кошаркарите на МЗТ Скопје Аеродром направија голем чекор кон пласманот во полуфиналето во плеј-офот, во АБА 2 лигата. Во СЦ „Јане Сандански“, МЗТ го победи Широки со 85:69.
МЗТ до победата дојде благодарение на „подолгата“ клупа и одличната игра во второто полувреме. Гостите првиот дел го добија со 37:41, предводени од Јукиќ и Јануковиќ.
Вториот дел мина во целосна доминација на МЗТ. Играчите на македонскиот шампион второто полувреме го добија со 48:28.
Убедливата победеа е важна бидејќи оваа сезона плеј-офот во АБА 2 лигата се игра на кош-разлика, а не како досега на две победи.
Војдан Стојановски сп 21 поен и пет скока, Делалиќ со 18 поени и Танасковиќ со 16 поени и седум скока го предводеа МЗТ до победата.
Спорт
Освојуваше трофеи со Ливерпул, а потоа стана зависник од кокаин
Дени Марфи е поранешен англиски фудбалер чија кариера траеше од средината на деведесеттите до 2013 година.
Играше за Ливерпул, Чарлтон, Тотенхем, Фулам и Блекбурн. За англиската репрезентација одигра девет натпревари и постигна еден гол.
Откако му заврши кариерата, тој стана зависник од кокаин, што го призна во подкаст.
„Кога фудбалот ќе исчезне, проблемите стануваат огромни. Играњето фудбал, адреналинот и допаминот ве одржуваат фокусирани“, рече Марфи, кој со Ливерпул го освои Купот на УЕФА, Суперкупот на Европа, ФА купот, два Лига купа и Суперкупот на Англија.
„Имав фаза кога пијам кокаин и пушев трева. Можев да живеам без алкохол, не бев алкохоличар. Можев да имам алкохол во куќата и да не пијам“, изјави Марфи и на прашањето дали е зависник од кокаин одговори:
„Имав некое време. Дојдов до точка кога мислев дека не можам ништо без него. Тоа беше глупаво, секако дека можев.
Рече дека „поминал една година во свет на болка“, по што проблемите ги решил со терапија.
Спорт
Џоан Лапорта ги вжешти страстите пред дуелот ПСЖ-Барселона
Претседателот на Барселона, Џоан Лапорта не пропушти да го зачини вечерашниот спектакл во кој неговиот клуб ќе му гостува на Пари Сен Жермен во Лигата на шампионите.
„Ние веруваме во нашите можности. Задоволство е да имаш вакви играчи, не би ги менувал за ниту еден од играчите на ПСЖ!“, изјави Лапорта за клупската интернет страница и дополни.
„Не сме биле во четвртфиналето многу години, многу сме возбудени, ќе биде одличен натпревар. Гледам играчите се во многу добра состојба, максимално мотивирани, фокусирани и обединети со Чави и стручниот штаб. Тоа не тера да веруваме во нив, бидејќи гледам дека веруваат во своите шанси. Фудбалерите на Барса се свесни што би значело доколку клубот се пласира во полуфиналето. Гледам дека и тренерот е убеден во тоа“.
Не е тајна дека односите меѓу ПСЖ и Барселона не се пријателски. Лошите односи започнаа во 2017 година кога ПСЖ за рекордни 222 милиони евра го донесе Нејмар од Барселона. Потоа и Лео Меси заврши на „Паркот на принцовите“, а минатото лето, Барселона не можеше финасиски да одговри на понудата која ПСЖ ја испрати до Усман Дембеле, па и тој заврши во Париз.
Претходно беше обелоденето и дека претседателот на Париз, Насер Ал-Келаифи, не присуствувал на вчерашната традиционална вечера меѓу двете раководства.