Спорт
„Ги имаш Азар, Бејл, Јовиќ, а во игра влегува Маријано. На Реал му се потребни Мбапе и Халанд“
Поранешниот капитен на Реал Мадрид, Хосе Марија Гутиерез познат како Гути, жестоко го критикува тренерот по поразот од Барселона (0:4) и тврди дека на „кралскиот клуб“ му се неопходни промени.
„Јас сум Карло Анчелоти и ја гледам клупата на која се Азар, Бејл, Јовиќ, Иско…И некој ќе ми каже дека ниту еден од нив не треба да влезе во игра? Што се случува? Изгубен сум“, рекол Гути и продолжил.
„Го гледав натпреварот против Барселона, првата измена во нападот беше Маријано. Како е можно тоа? Па зарем тука не е се Бејл и Азар“.
Гути рекол дека не може секогаш истите играчи да се во првата постава.
„Оној што не сака да игра, што не сака да биде дел од Реал треба да го каже тоа. Не е лесно, но треба да каже. Реал не може да игра со 12 или 13 фудбалери. Голем клуб, кој сака титули не смее да си го дозволи тоа. Клубот или Анчелоти треба на фудбалерот да му кажат да излезе пред новинарите и да каже дека не сака да игра. Реал ги плаќа. Како е тоа можно да не сакаат да играат?“
Шпанските медиуми тврдат дека од наредната сезона во реал заедно ќе играат Килијан Мбапе и Ерлинг Халанд.
„И понатму се мислиме дали треба да го донесеме Халанд? Клубот мора да го донесе Халанд. Клубот мора да го донесе Мбапе и уште четири или пет фудбалери“, заклучил Гути.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…