Спорт
Ѓоковиќ го победи Тенис, Суарез Наваро го победи ракот, но загуби од Стивенс

Светскиот број 1, Новак Ѓоковиќ со рутинска победа го започна настапот на Ролан Гарос, победувајќи го со 6:4/6:2/6:2 американскиот тенисер со необично име, Тенис Сандгрен.
Како прв тенисер кој доби чест да биде дел од вечерната сесија (која дебитираше вчера со мечот на Серена Вилијамс), Ѓоковиќ експресно го освои првиот сет со два брејка, а потоа ги надмина проблемите со нервозата за да добие уште полесно предност од 2:0, по што лесно го комплетираше мечот за да го подобри скорот против Сандгрен на 4-0. Следен за него е Перуанецот Пабло Куевас.
Шпанската тенисерка Карла Суарез Наваро го одигра својот последен меч на Ролан Гарос, комплетирајќи ја неверојатната приказна за враќање. 32-годишната Шпанка загуби со 6:3/6:7(4)/4:6 од Американката Слоун Стивенс, но резултатот не беше толку важен.
Суарез Наваро се повлече од тенисот за време на пандемијата на КОВИД-19 во 2020, кога откри дека има Хоџкинова лимфома, вид на рак, но по ремисијата и хемотерапијата, реши да се врати уште една сезона, започнувајќи ја со настап на Ролан Гарос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Куако жестоко го нападнаа Ѓоковиќ: Рафа и Мбапе не можат, но Новак може… Не му верувам

Енцо Куако, француски тенисер по потекло од Маурициус, проговори за мечот со Новак Ѓоковиќ на неодамна завршениот Австралија опен.Тие двајца се сретнаа во второто коло, а Куако беше единствениот тенисер на првиот Грен слем сезонава кој освои сет против Ѓоковиќ.
По средбата е откриено дека српскиот тенисер играл со пукнатина од три сантиметри на задната ложа, во што Французинот не е убеден.
„Тешко е да се одговори, прв пат играв против него. Помеѓу ТВ и реалноста нема голема разлика. После тој рече дека ја има таа повреда, голема повреда, многу борбени спортисти кога се повредени не можат да продолжат да играат. Надал се повреди, повеќе не можеше да трча. Мбапе беше надвор од терените две недели. А тоа се најголемите спортисти, а не оние кои немаат пристап до најдобрата опрема и нега. Тешко е да се поверува дека само еден човек во светот може да го направи тоа“, рече тој во интервју за „Тенис Акта“ и додаде:
„Во Франција секогаш ми велеа да не се истегнувам кога сум повреден, а видов дека Новак цело време се истегнува. Си реков: „Или имаат некој нов метод во Србија или ова е чудно…“ Тој има Негови луѓе, јас сум далеку од тоа да судам за автентичноста, но тешко ми е да повредувам во тоа“.
Нивниот меч заврши во корист на Ѓоковиќ со резултат 6:1, 6:7 (5-7), 6:2, 6:0, а на Куаку му е драго што барем го намачил славниот противник.
„Среќен сум што бевме рамноправни сет и пол. Кога ќе поминете низ ходникот во Род Лејвер арената и ќе видите дека тој ја освои титулата девет пати… Јас не би можел да освојам турнирот во мојот Маурициус десет пати“, заклучила 27. годишниот тенисер.
Спорт
Хетафе освои бод против Атлетико

Атлетико Мадрид не успеа да го победи Хетафе во 20.коло. Натпреварот на „Сивитас Метрополитано“ аврши без победник 1:1.
Атлетико продолжува да распродава бодови на својот стадион. Во 20.коло не успеа да го победи претпоследнопласираниот Хтефе и покрај тоа што доминираше во текот на целиот натпревар.
Првиот гол на мечот го постигна Анхел Кореа во 62. минута, откако ВАР потврди дека Аргентинецот не бил во офсајд.
По постигнатиот гол, Атлетико продолжиси нападите, во целост ја контролираше играта, се до 80.минута кога Саул не беше внимателен топката го погоди во раката. Пеналот за хетафе го реализираше Унал.
До крајот на мечот Караско и Депај не успеаја да му ја донесат победата на Атлетико.
На последните 21 натпревари, Хетафе само четири пати успеа да освои бод. Можеби овој ќе му помогне да избори опстанок во лигата.
Хетафе на 19.место има 18 бода, Атлетико е на четвртото место со 35 бода.
Спорт
Реми на Сент Џејмс парк

Њукасл и Вест Хем ремизираа 1:1 во последниот натпревар од саботниот распоред во Премиер лигата.
Натпреварот имаше луд почеток, во првата минута ВАР му поништи гол на Њукасл.
Сепак, само две минути подоцна се затресе мрежата на Вест Хем, но овојпат голот беше поништен. Калум Вилсон постигна гол по додавањето на Лонгстаф.
Следеше мирен период од натпреварот до 32. минута кога по корнер изведен од Деклан Рајс, најдобрт во шеснаесетникот реагираше Лукас Пакета. Гостите можеа да поведат уште во првото полувреме, но Агерд беше непрецизен во финишот на првото полувреме.
Во продолжение Њукасл беше подобриот противник, ја имаше многу повеќе топка во свој посед, но не успеа да ја материјализира предноста. Најдобрите шанси ги пропуштија Сен Максиман и Калум Вилсон.
Њукасл и на 16 натпревар во низа остана непоразен во Премиер лигата. Голот на Пакета е прв што го прими голманот Ник Поуп по шест натпревар.
Њукасл остана на четвртото место на табелата што води во Лигата на шампионите, додека Вест Хем е на 16. позиција со 19 бодови.