Спорт
Ѓоковиќ и Тим своето полуфинале во Париз ќе го доиграат утре
Рафаел Надал ќе почека до утре да го дознае својот противник во финалето на Ролан Гарос, откако мечот меѓу Новак Ѓоковиќ и Доминик Тим беше прекинат поради дожд при 1:1 во сетови.
Тим подобро се снајде на ветровитото време во Париз за да поведе со 1:0 во сетови, пред Ѓоковиќ да се избори за израмнување во вториот сет. Тим направи брејк во третиот сет за да поведе со 3:1, но при 6:2/3:6/3:1 за него почна силен дожд и организаторите решија да го одложат полуфиналето за утре (со почеток во 11 часот).
Ѓоковиќ беше очигледно изнервиран од условите за игра, и откако го загуби првиот гем на свој сервис го праша судијата на столче зошто мечот воопшто продолжува. Откако Тим го освои првиот сет за само 27 минути, и по кратката пауза поради дожд во вториот сет, Ѓоковиќ се „прибра“ и направи прв брејк за да поведе со 5:3 за да ог освои сетот.
The winds and rain are terrible, how are #Djokovic& #Thiem even playing? Seems brutal, especially after playing the QF just yesterday. #RolandGarros pic.twitter.com/0crToJrzbx
— Samantha (@samantha_389) June 7, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.