Спорт
Ѓоковиќ: Можно е да се одложи Австралија Опен, здравјето на играчите е најважно
Српскиот тениски ас, Новак Ѓоковиќ е загрижен за случувањата во Австралија поради големите пожари. Тој моментно е во Бризбејн, со репрезентацијата на Србија на АТП купот.
По првиот меч од првото коло против Јужна Африка Ѓоковиќ беше запрашан за ситуацијата во Австралија и како тоа ќе се однесува на претстојниот Австралија Опен.
„Мора да се земат сите можности во предвид поради екстремните услови. Мислам дека организаторите ќе сторат се за да нема одложување, но ако ситуацијата се сведе на тоа условите да влијаат на здравјето на играчите, мислам дека ќе се разгледа можноста за одложување на турнирот“ – рече Ѓоковиќ.
Огнената стихија на југоистокот на Австралија неколку недели неконтролирано се шири, а досега 23 лица го загубиле животот.
Квалитетот на воздухот во Мелбурн, каде се игра првиот годинешен грен-слем е многу лош, а дел од зградите морало да бидат затворени затоа што димот влегол во вентилациониот систем.
„Одлуката за одложување би била тешка за организаторите, Австралија Опен секогаш почнува во одредено време. Вклучени се многу работи, но грижата за здравјето на играчите е најважна“ – смета Ѓоковиќ.
Австралија Опен на програмата е од 20 јануари до 2 февруари, а во тој период се очекува температурата да е околу 40 степени Целзиусови.
Титулата од минатата година ја брани токму Новак Ѓоковиќ, а наградниот фонд годинава ќе изнесува рекордни 71 милион австралиски долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баерн го контактирале Арсен Венгер
Баерн се уште е во потрага по нов тренер кој ќе го замени Томас Тухел на крајот од сезоната. Многу имиња „циркулираа“ низ клубот од Минхен, кандидати беа и Чаби Алонсо, Јулијан Нагелсман и Зинедин Зидан, но конкурсот се уште е отворен.
Германските медиуми открија дека клупата на Баерн му била понудена и на легендарниот Арсен Венгер, поранешниот менаџер на Арсенал.
„Долго време не сум во фокусот и мислам дека во овој момент то а не ми е потребно. Јас сум во пензија. Им се заблагодарив на челниците на клубот од Минхен кои се сетија на мене, но мислам дека е време да најдат помлад тренер, кој ќе ја врати старата слава“, откри легендарниот француски тренер.
Поранешниот менаџер на Арсенал вели дека најдобро решение за Баерн би било доколку го ангажираат Зинедин Зидан, кој со Реал покажа дека е роден да освојува трофеи.
„Голем број на клубови ќе бараат тренери во овој преоден рок. Ќе им биде тешко на моите колеги да решат каде ќе одат. Мислам дека најдобро решение за Баерн би бил Зинедин Зидан, но прашање е дали тој сака да работи во Германија, бидејќи мислам дека проблем би бил што тој не зборува германски“, изјави Арсен Венгер.
Спорт
Клоп: Многу ми е жал, се извинувам
Ливерпул, со поразот од Евертон, претрпе голем удар за шампионските амбиции. Во градското дерби Евертон на „Гудисон Парк“, по пауза од 14 години ги победи црвените: Од 2010 година ова е втора победа на „карамелите“ над Ливерпул.
Шампионскуте сништа на Ливерпул се чини ги згаснаа Брејтвајт и Калверт-Лувин, кои беа стрелци во победата 2:0.
Ливерпул сега заостанува три бода зад Арсенал на врвот на табелата, а третопласираниот Манчестер Сити има четири бода помалку од Арсенал, но и два натпревари помалку. До крајот на првенството остануваат само уште четири кола.
Јирген Клоп, последната сезона во Ливерпул сакаше да ја заврши со шампионска титула, но сега е извесно дека ќе мора да се задоволи само со еден и најмалку важен трофеј, Лига купот.
Свесен дека трката за титулата во Англија е практично изгубена, по поразот во дербито на Мерсисајд, тој рече: „Ова не беше доволно добро… Навистина сочувствувам со фановите и многу ми е жал. Се извинувам“.
Спорт
(Видео) Мајами победи во Бостон, Оклахома го згази Њу Орлеанс
Мајами го изедначи резултатот против Бостон на 1:1, а Оклахома победе со 2:0 во серијата против Њу Орлеанс.
Мајами и без Џими Батлер победи во Бостон со 111:101. Мајами против најдобриот тим во регуларниот дел од сезоната постигна 23 тројки, што е рекорд на франшизата во плеј-офот.
Тајлер Хиро погоди шест тројки, а Кејлеб Мартин пет, тие беа и најефикасни во редовите на франшизата од Флорида.
Хиро постигна 24 поени со 14 асистенции и пет скока, додека Мартин додаде 21 поен, колку што имаше и Бем Адебајо, кој додаде и десет скока со две асистенции. Српскиот репрезентативец Никола Јовиќ забележа 11 поени (тројки 3/4), девет скока и шест асистенции.
На другата страна Џејлен Браун постигна 33 поени со осум скока и асистенции, додека Џејсон Тејтум имаше учинок од 28 поени со осум скока и три асистенции.
Оклахома максимално ја искористи предноста на домашниот терен во пресметката со Њу Орлеанс.Тандери го декласираа противникот со 124:92.
Шаи Гилџис-Александер, кандидат за МВП признанието, повторно беше првата виолина на Тандер.
Тој постигна 33 поени со три скока и пет асистенции и две украдени топки. Расположен беше и Чет Холмгрен кој постигна 26 поени со седум скока и асистенција, додека Џејлен Вилијамс додаде 21 поен.
На другата страна, Јонас Валанчиунас постигна 19 поени, Брендон Играм и Херберт Џонс додадоа по 18, додека Си Џеј МекКолум постигна 15 поени.