Спорт
Голема афера во Франција: Бен Једер и платил 1,6 милиони евра на жената што ја силувал
Висам Бен Једер, 33-годишен француски напаѓач со туниско потекло, пред два месеци објави дека неговиот договор со Монако истекува и дека клубот не планира да го обнови. Бен Једер постигна 118 гола на 201 настап за клубот од Кнежевството. во пет сезони. Тоа беше необична одлука, а „Лекип“ пренесува дека клубот се повлекол од преговорите поради скандалот што го предизвикал фудбалерот.
На насловната страница на „Лекип“ со големи букви пишува: „Заговор, манипулација, прикриен трансфер на пари: Висам Бен Једер во центарот на неверојатна афера“.
Имено, тиражноот француски весник откри дека поранешниот француски репрезентативец по тајни канали и уплатил пари на жена која го обвинила за силување, а во целата приказна е вклучен клубот, а можеби и некои државни службеници.
Во август 2023 година, Бен Једер беше обвинет за силување, обид за силување и сексуален напад со неговиот брат. Две жени, на возраст од 19 и 20 години, поднеле тужба за наводно кривично дело што се случило во хотел на Азурниот брег.
Одредена му е кауција од 900 илјади евра која ја платил, но во меѓувреме немаше многу вести за случајот. „Лекип“, пишува дека ја следел аферата од самиот почеток, а сега ексклузивно пренесува дека Бен Једер и платил 1.600.000 евра на девојката која го тужела за таа да ја повлече тужбата.
Овој договор бил направен целосно во тајност од адвокатите на фудбалерот. Еден од нив е официјалниот адвокат на принцот Алберт, поради што во француската јавност се шпекулира дека и државниот врв имал сознанија за овој случај.
Имено, „Лекип“ открива како Бен Једер префрлал пари преку фиктивни трансакции преку Жером де Бонтин, поранешен шеф на банка во Монако. Парите ги уплатил на сметката на девојката во странство, а во описот на работата навел дека продава таканаречени „имиџ права“, ставка која се однесува на продажба на маркетиншкиот потенцијал на играчот.
„Лекип“, најави дека ќе открие повеќе детали за случајот во печатена форма, но вели дека Бен Једер може да се соочи со долга затворска казна за повеќекратно прекршување на кривичниот законик. Успеале да стапат во контакт и со играчот, кој се колне дека бил изманипулиран од луѓето околу него.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Фиорентина бега од опасната зона
Фиорентина славеше победа над Лацио (1:0) во последниот натпревар од 32-то коло на Серија А и освоија исклучително важни бодови во борбата за опстанок.
Натпреварот беше решен во 28-та минута, кога Робин Госенс ја затресе мрежата на гостите и го постави она што ќе биде конечниот резултат.
Фиорентина покажа повеќе желба и енергија од самиот почеток, што беше крунисано во средината на првото полувреме. По тој гол, домашните се одлучија за дисциплинирана игра и чување на предноста, додека Лацио се обидуваше да израмни, но без некоја конкретна закана кон голот на „Виолетовите“.
Фиорентина сега има 35 поени, осум повеќе од тимовите во опсната зона, додека Лацио остана на 44 и се наоѓа на деветотот место.
Foto/ EPA
Спорт
(Видео) Голем триумф на Лидс во борбата за опстанок, победија на „Олд Трафорд“
Фудбалерите на Лидс го победија Манчестер Јунајтед со 2:1 на „Олд Трафорд“, во последниот натпревар од 32-то коло од Премиер лигата.
Со оваа многу значајна победа, Лидс избега на шест бода од „црвената зона“ во борбата за опстанок.
Се играше петтата минута кога гостите поведоа со голот на Ноа Окафор, а истиот играч го дуплираше водството на својот тим во 29-та минута.
Лидс го задржа водството на полувремето, а проблемите на Јунајтед се зголемија на почетокот на вториот дел, кога Лисандро Мартинез, поради неспортски потег доби црвен картон.
Јунајтед се обиде да се врати во натпреварот, во 69-та минута, Касемиро постигна гол по асистенција од Бруно Фернандес.
Иако имаа играч помалку, „црвените ѓаволи“ нападнаа, но Лидс успеа да се одбрани и да го задржи водството до самиот крај.
Јунајтед е на третото место во Премиер лигата со 55 бода, додека Лидс е на 15-то место со 36.
Во следната рунда, Лидс ќе го пречека Вулверхемптон, а Јунајтед ќе гостува кај Челзи.
Foto/ EPA
Спорт
Јамал посакува пресврт на „Метрополитано“
Фудбалерот на Барселона, Ламин Јамал, пред реваншот со Атлетико Мадрид во четвртфиналето од Лигата на шампионите, изјави дека верува, дека е можно неговиот тим да направи пресврт и покрај поразот (2:0) во првиот натпревар.
Барселона, во минатото правеле големи пресврти, на пример кога славеше со 6:1 против Пари Сен Жермен, по 0:4 од првиот натпревар.
„Го гледав тој натпревар многу пати, а го гледав и во живо на стадионот. Нејмар е голем дел од моето детство, тој е мој идол и засекогаш ќе бидам благодарен за сè што му даде на фудбалот. Нè инспирираше сите. Луѓето плаќаа билети за да го гледаат Нејмар, а по два или три дена, ги гледаа снимите од натпреварот за да видат што направил и какви движења имал. Сакам да му се заблагодарам за придонесот што го имаше во фудбалот и се надевам дека ќе игра на Светското првенство“, рече Јамал.
Тој додаде дека еден од идоелите му е и кошаркарот Леброн Џејмс, кој во 2016 година со Кливленд направи голем пресврт во финалето на НБА против Голден Стејт и од 0:2 и 1:3 стигна до 4:3 во победи.
„Леброн е исто така еден од оние што ме инспирираат пред утрешниот натпревар. Размислувам како го водеше тимот до пресврт и се надевам дека ќе можам да го направам истото. Но, не сум сам, имаме многу играчи, јас сум само дел од тимот. Важно е сите да веруваме и да размислуваме позитивно, што сме го покажале многу пати. Мора да се бориме за грбот што го носиме и ќе направиме сѐ што можеме за да го постигнеме тоа.“
На крајот, младиот фудбалер рече:
„Важно е да играме како што знаеме, со многу интензитет. Не смееме да мислиме дека пресвртот е чудо. Влегуваме во натпреварот со 2:0, но мора да веруваме во пресвртот“, заклучи Јамал.
Foto/ EPA
