Спорт
Градоначалникот на Фиренца за Влаховиќ: Ова е засрамувачки и ги гази нашите навивачи
Градоначалникот на Фиренца, Дарио Нардела, смета дека најавениот трансфер на Душан Влаховиќ од Фиорентина во Јувентус ги гази и посрамотува навивачите на клубот, а поранешниот италијански премиер, Матео Ренци, отиде понатаму опишувајќи го трансферот како ден за жалост.
Трансферот од 75 милиони евра ги задоволува условите на Фиорентина, но навивачите на Виола се навредени што се работи за трансфер во лутиот ривал Јувентус, иако иста понуда имало од Арсенал, Тотенхем и од Њукасл.
„Како навивач, не можам да скријам дека е разочарувачки што го губиме најдобриот играч среде сезона, особено да се приклучи тим што ни е директен ривал на табелата. Во основа ова е доказ дека модерниот фудбал се оддалечува од своите фанови и од автентичноста и дека е предводен од луѓе со преголема моќ. Романтичната идеја на фудбалер симбол е одамна минато, но кај навивачите на Виола има одредени вредности и страст, кои, за жал, се прегазени и посрамотени од вакви ситуации“, изјави Нардела за „Ла Газета дело спорт“.
Поранешниот премиер Ренци исто така имаше само грди зборови за трансферот.
„Во живо сме на телевизија, така што не смеам да пцујам. Ова е како ден на жалост во Фиренца. Имав 15 години кога Роберто Баџо беше продаден во Јувентус и бев дел од навивачите што протестираа на Пјаца Савонарола. Бесен сум. Зошто Фиорентина мора да продава на Јувентус? Барем пратете ги во други клубови“, вели Ренци.
Влаховиќ е трет голем трансфер на релација Фиренца – Торино по Федерико Бернардески и Федерико Киеза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.