Спорт
Гулит до Тен Хaг: Заборави на холандскиот менталитет
Холандската фудбалска легенда и поранешен ас на Милан, Руд Гулит има неколку совети за менаџерот на Манчестер јунајтед, Ерик тен Хаг.
Поранешниот менаџер на Ајакс по завршувањето на минатата сезона го презеде великанот од „Олд Трафорд“. Негова цел е да го врати клубот на победничките патеки и во борбата за трофеи.
Тен Хаг нема да има лесна работа, што покажа и првиот меч на домашен терен кога Јунајтед загубија од Брајтон (1:2). Гулит има посебен совет за својот сонародник. Тој вели дека Тен Хаг мора да се откаже од некои работи ако сака да преживее во Премиер лигата.
„Ерик тен Хаг е добар тренер, но не смее да се потпре само на холандскиот менатлитет, во спротивно ќе му биде тешко. Мора да се прилагоди и да разбере дека само со играње фудбал не се победува. Потребна ви е и сила, техника. Вистински меналитет. Во средината играчи кои можат да ја играат топката, но и да му ја украдат на противникот. Ако го немате тоа и само мислите дека играте добро, ќе ви биде тешко. Видовте како Фулам играа против Ливерпул, затоа ја сакаме Премиер лигата. Нема лесни натпревари, тоа мора да го разберете, треба да работите напорно секој ден и да ги имате вистинските играчи“, јасен е Гулит.
Има чувство дека Тен Хаг „влета во циркусот на Манчестер Јунајтед“, во време кога има сериозни проблеми во клубот.
„Има многу проблеми во клубот. Играчите сакаат да одат во други тимови, во Ливерпул, Сити и Челзи. Тие повеќе не се главниот тим во Англија, како што беа под Алекс Фергусон. А проблемот на Тен Хејг е што има пет поранешни играчи кои секој ден зборуваат за Манчестер јунајтед во медиумите. Тешко е и единствениот начин да се надмине тоа е да се победи“, додаде славниот Холанѓанец.
Тој смета дека Јунајтед не требало лесно да се откажат од услугите на Жозе Мурињо.
Прерано го отпуштија Мурињо, тој освои трофејот со играчи кои не беа толку добри“, заклучи Холанѓанецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.