Спорт
Гвардиола: Биелса го почитувам најмногу, но Кројф е највлијателниот
Менаџерот на Манчестер сити, Пеп Гвардиола, вели дека почитта кон ривалот од Лидс јунајтед, Марсело Биелса, е најголема во светот на фудбалот, но сепак, не го смета Аргентинецот за највлијателниот тренер во историјата.
Лидс го пречекуваат Сити в сабота навечер, а Гвардиола, кој и во минатото честопати ја искажувал почитта кон 65-годишниот Биелса, вели дека работата е повеќе од трка по трофеи и дека Биелса го претставува тоа најдобро.
„Тој најверојатно е личноста која најмногу ја почитувам во светскиот фудбал, како менаџер и како личност. Мислам дека е најавтентичниот тренер во историјата, со начинот на кој ги води своите тимови, бидејќи никој не го прави тоа. Никој не може да го имитира, бидејќи тоа е невозможно. Секогаш бил инспирација за мене. Вредноста на еден тренер не е само во трофеите кои ги освоил. Моите тимови освоиле повеќе од неговите, но според фудбалското знаење уште сум под него“, вели Гвардиола.
Сепак, на лично ниво, тој вели дека Биелса не е највлијателниот тренер, бидејќи таа чест оди кај Јохан Кројф, под кого Гвардиола играше во Барселона.
„Не може да ми биде влијание бидејќи не сум работел со него секојдневно, така што Јохан Кројф останува највлијателниот тренер во мојот живот“, објаснува Каталонецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024