Спорт
Гвардиола: Јас секогаш сум бил поддржувач на ВАР-системот
Менаџерот на Манчестер сити, Пеп Гвардиола повторно застана во одбрана на ВАР системот и покрај тоа што токму ова судиско помагало помогна Сити да бидат елиминирани во четврт-финалето на ЛШ од Тотенхем во драматичниот меч во средата.
ВАР прво го дозволи голот на Фернандо Љоренте за Тотенхем да намали на 4:3 (резултат кој ги носеше во полуфинале), а потоа го поништи голот на Рахим Стерлинг во последните минути од мечот за овој резултат да остане. Пред новиот дуел со Тотенхем овој викенд, овојпат во Премиер лигата, Каталонецот вели дека поддршката за ВАР останува.
„Секогаш сум го поддржувал ВАР, кога ми одговарал и кога не ми одговарал. Другите не го поддржуваа порано, но сега можеби го смениле мислењето“, вели Гвардиола.
Тој посочува дека по драматичниот меч, тимот мора да е концентрира на тесната борба за титулата со Ливерпул.
„Не сакам фудбалерите да го заборават искуството, бидејќи тоа беше неверојатно. Имавме среќа што го доживеавме тоа, бидејќи во еден момент бевме среќи, а момент подоцна бевме во очај. Во иднина сите ќе се сеќаваме на тоа како на неверојатен меч, заедно со тагата што не се квалификувавме. Тоа е фудбалот“, вели Гвардиола.
Гвардиола: Ние дадовме гол, другото го направи ВАР, а Љоренте даде гол со рака
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Претседателот на Ла Лига јавно кажа дека е навивач на Реал
Претседателот на шпанската Ла Лига, Хавиер Тебас отворено призна дека навива за Реал Мадрид во интервју за „Експансион“. Овој факт е познат од поодамна, но сега за прв пат е и јавно потврден. Овој детал Тебас го откри додека го коментираше евентуалниот трансфер на Килијан Мбапе во Реал.
„Прво и основно, сето ова го кажувам како навивач на Реал Мадрид. Тоа е неверојатен трансфер, Мбапе е еден од најдобрите фудбалери во светот. Не можам да кажам дека е најдобар бидејќи мислам дека Белингам е најдобар, и зад него е Винисиус“, рече тој и потоа додаде:
„Мбапе е еден од најдобрите фудбалери во светот, затоа мора да бидеме среќни бидејќи таков играч доаѓа во нашата лига. Знам како Реал Мадрид планира да го обезбеди неговиот потпис, и покрај загриженоста и нестрпливоста на медиумите. Тоа го направија во добар момент.”
Да потсетиме, Мбапе на лето доаѓа во Реал Мадрид како слободен играч, откако ќе му заврши договорот со ПСЖ.
Спорт
(Видео) Кобајаши леташе 291 метар
Јапонскиот ски скокач Рјоју Кобајаши постави неофицијален светски рекорд во Исланд прелетувајќи 291 метар, што е за 37,5 метри подобро од официјалниот светски рекорд.
Рекордот Кобајаши го постави на специјално изградена скокалница во ски-центарот Хлидарфјал.
Кобајаши ги помести границите со летови од 256, 259 и 282 метри во двата дена од пробното натпреварување, а во средата го постави конечниот рекорд од 291 метар. Осум секунди бил во воздух и достигнал најголема брзина од 107,5 километри на час.
„Долго сонував за овој скок, отсекогаш сум сакал да летам подалеку од сите други и сакам да ги поместам границите“, изјави Кобајаши по најдолгиот лет во историјата.
Според соопштението за печатот на Ред Бул, специјалната скокалница е целосно изградена од снег. Врвот на залетиштето е на 1115 метри, а зоната на слетување завршува 360 метри подолу и има наклон од 36 степени.
Јапонецот во кариерата има 32 победи во Светскиот куп, два пати беше севкупен победник, има златен и сребрен медал од Олимписките игри во 2022 година, а три пати ја освојуваше и Новогодишната турнеја.
𝟐𝟗𝟏 𝐌𝐄𝐓𝐑𝐎́𝐖 ❗️
Ryoyu Kobayashi udowodnił, że niemożliwe nie istnieje ❗️#skijumpingfamily pic.twitter.com/Or7frTerSh
— Eurosport Polska (@Eurosport_PL) April 24, 2024
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.