Спорт
Гвардиола со пофалба за Ливерпул: Тоа е најсилниот ривал кој сум го имал
Пеп Гвардиола го прогласи Ливерпул за „најсилниот противник“ кој го имал во својата кариера, откако „црвените“ направија предност на стартот на Премиер лигата пред актуелниот шампион Манчестер сити.
Сити загубија со 3:2 од Норич минатиот викенд (прв лигашки пораз од јануари), за да останат на пет поени зад Ливерпул, кои имаат совршени пет победи во првите пет кола. Лани, Сити ја освои титулата со 98 поени, само еден пред Ливерпул, и Гвардиола вели дека тоа покажува колку се силни ривалите.
„Противниците кои ги имаме, кажав повеќе пати, се најсилните противници кои сум ги имал во мојата кариера како тренер. Тоа не се мали зборови. Го кажував тоа и кога бевме напред, го кажувам и сега. Тие имаат комплетна позициона игра, контра-напад, транзиција, одбрана, менталитет. ’Енфилд’ и навивачите, многу работи. Знам дека ќе биде многу тешко, но тоа е предизвикот“, вели Гвардиола.
Една мака која ја има Гвардиола оваа сезона се повредите на двајца клучни фудбалери од одбраната – Ајмерик Лапорт и Џон Стоунс, што значи дека Фернандињо ќе мора да игра назад покрај Николас Отаменди.
„Немаме многу опции. Родри може да игра таму, како и двајца млади фудбалери во кои веруваме, Ерик Гарсија и Тејлор Харвуд-Белис. Не е проблем, туку е предизвик“, додава Гвардиола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.