Спорт
Гвардиола во „војна“ со Клоп: Не мислев дека Јирген е таков тип на менаџер
Пеп Гвардиола и Јирген Клоп го „загреаја“ дербито овој викенд, откако Каталонецот му врати на менаџерот на Ливерпул за тврдењето дека Манчестер сити имале двонеделна пауза поради КОВИД-19, која влијаела на нивната одмореност и добра форма во последните мечеви.
Мечот на Сити против Евертон на 29 декември беше откажан неколку часа пред стартот кога пет фудбалер и двајца членови на тимот беа позитивни на КОВИД-19 и Клоп вели дека неговиот тим е уморен пред неделното дерби за разлика од тој на Гвардиола, кој добил „двонеделна пауза“. Всушност, Сити имаа седум дена одмор меѓу мечот со Њукасл на 26 декември и дуелот со Челси на 3 јануари и Гвардиола беше лут на „боцката“ од Клоп.
„Тој направи грешка, тоа беше два месеци, три месеци, четири месеци, затоа сме на првото место сега. Јирген мора да го погледне календарот повторно. Имавме КОВИД, имавме една недела одмор, игравме со 14 фудбалери на ‘Стемфорд бриџ’. Можеби јас грешам и биле две или три недели. Кога ќе го сретнам ќе го прашам. Изненаден сум, мислев дека Јирген не е таков тип на менаџер, не очекував таков коментар. Можеби беше недоразбирање, ако го погледне календарот ќе види дека биле два месеци“, изјави Гвардиола.
Ситиќе бидат без Кевин де Брујне, Серхио Агуеро и Нејтан Аке против Ливерпул, но ако им го нанесат третиот последователен домашен пораз на Ливерпул ќе се одвојат на 10 поени од нив со натпревар помалку. Гвардиола, сепак, никогаш нема победено на „Енфилд“ како менаџер.
? "He made a mistake, Jurgen has to see the calendar again. I'm surprised I thought Jurgen was not the type of manager to make that comment."
Pep Guardiola responds to Jurgen Klopp's comments about Manchester City having 2 weeks off pic.twitter.com/dbRho1SptU
— Football Daily (@footballdaily) February 5, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.