Гвардиола за СП, иднината, враќањето во Сити и најголемиот ривал

Пеп Гвардиола, кој е без клуб, откако по 10 години си замина од Манчестер Сити, зборуваше за финалето на Светското првенство. Изјави дека нема да навива за никого, но не пропушти да ги анализира шансите на Шпанија против Аргентина.

„На Светското првенство не навивам за ниту една конкретна репрезентација, но ги следам тимовите во кои играат фудбалерите што ги ценам и со кои сум соработувал. Ќе бидам среќен да навивам за нив“, објасни 56-годишниот стручњак и додаде дека би бил среќен Аргентина да ја освои титулата поради играчите што ги познава.

Гвардиола се осврна на шпанската репрезентација, предводена од Луис де ла Фуенте. Тој верува дека Шпанците можат да победат во финалето против Аргентина ако Родри, заедно со Педри и Ламин Јамал, играат на највисоко ниво.

„Ламине Јамал пристигна во малку послаба физичка состојба поради неодамнешните повреди. Сепак, со оглед на неговите години, тој се справува со притисокот неверојатно добро и е способен сам да го реши натпреварот“, рече Гвардиола.

Кога станува збор за неговата иднина, Гвардиола потсети дека ја започнал тренерската кариера на 37 години во Барселона, а сега има 56. Вели дека му се потребни нови предизвици и дека во моментов е „многу среќен“ што не е во центарот на вниманието.

Сепак, не ја исклучил можноста за враќање во Манчестер Сити. „Еден ден, секако, ќе се вратам на стадионот Етихад. Сега, сепак, сакам да бидам во позадина. Ако им требам, ќе бидам таму“, рече тој.

Тој уште еднаш посочи кој му бил најголем ривал во кариерата. „Јирген Клоп. Можеше да го менува системот на секои 20 минути. Тоа ме излудуваше“, призна шпанскиот тренер.

Foto/ Depositphotos