Спорт
Хакерот што ги разоткри Манчестер сити се наоѓа во затвор
Фудбалскиот свет се уште се тресе од „земјотресот“ што го предизвика УЕФА со казната што му ја изрече на актуелниот англиски првак Манчестер сити. УЕФА вчера на парично го казни со 30 милиони евра и на две години од европските купови го суспендираше Сити.
Манчестер сити не го почитувале финансискиот фер-плеј во периодот од 2012 до 2016 година. Деталите за малверзациите што ги правеле во Сити, но и за други нечесни работи во европскиот и светскиот фудбал, во јавноста се појавија благодарение на „Фудбал Ликс“ и германскиот весник „Шпигл“.
Хакерот кој се прослави со „Фудбал Ликс“ Португалецот Руи Пинто се наоѓа во притвор. Суспензијата што ја добија Манчестер сити може да му биде еден вид на сатисфакција.
Тој во Португалија се соочува со 90 различни обвинувања за хакирање, саботажа и измами и од притворската ќелија го чека изрекувањето на казната.
Пинто се наоѓа во притвор од март минатата година. Последната жалба му била одбиена пред два дена.
Football Leaks Hacker Rui Pinto who revealed City illegal acts.
THE MAN BEHIND CITY BAN FROM THE CHAMPIONS LEAGUE. pic.twitter.com/dYBh9o8lPg— ³O ?? (@Otriple1) February 15, 2020
Хакерот од својот дом „ископал“ 70 милиони документи во кои има докази за нечесни работи на цела низа фудбалски клубови. Токму во тие документи се појавиле и доказите против Манчестер сити.
Неодамна токму за „Шпигл“ изјавил дека е свесен дека може да заврши в затвор за она што го направил.
„Знаев дека ова можа да се случи. Знаев дека португалските власти вршат прогон врз „свиркачите“. Бев подготвен на ова“, рекол Пинто и продолжил.
„Португалските власти се плашат од она што јас го знам, поради тоа е важно да не го загубам разумот. На почетокот фаќав белешки за мојот случај во тетратка. Потоа му ја одзедоа. Мојот адвокат беше присутен кога вршеа претрес во ќелијата и ми кажа дека тетратката немале право да ми ја земат. Тоа не го направија затворските стражари туку обвинителите. Тие прават што сакаат. Дури по еден месец ми ја вратија тетратката“, раскажал Пинто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.