Спорт
Халанд: По Сити, втор избор беше Баерн
Норвешкиот напаѓач Ерлинг Халанд, во документарниот филм „Халанд – големата одлука“, откри интересни детали за неговиот трансфер во Манчестер сити.
Норвешкиот голгетер откри дека англискиот првак ја плетел мрежата речиси 18 месеци, а се започнало за време на двомечот со Борусија Дортмунд, во четврт-финалето на Лигата на шампионите.
„По тој натпревар мислам дека 15 луѓе дојдоа да ми кажат дека треба да дојдам кај нив. Стоунс, Рубен Дијаш, Гундоган, Фоден, Де Брујне… Никогаш не сум носел одлука за следниот клуб поради тренерот што го води, но голем плус е што Пеп Гвардиола е во Сити, тој е најдобриот тренер во светот. Сити е најдобриот спортски проект во светот во моментов и тоа е местото каде што ќе можам да бидам најдобар“, изјави Халанд.
Минатото лето, неколку клубови сериозно беа заинтересирани за Халанд. Во документарецот тој откри каква била интерната листа.
„Мислам дека Манчестер сити беше најдобриот тим на нашата листа. Баерн е број два. На третото место е Реал, а по него е Пари Сен Жермен. Секако, покрај Сити, на списокот има уште неколку англиски тимови кои се доста добри, Ливерпул и Челзи. Тука е и Барселона, сите се приближно во ист ред.
Почетокот на сезоната покажува дека Халанд донел добра одлука, бидејќи на првите 10 натпревари во сите натпреварувања постигна 14 гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.