Ник Кирјос ја нервираше домашната публика повеќе од три часа на Вимблдон, пред да стигне до 3:6/6:1/7:5/7:6(3)/7:5 победа над Британецот Пол Џаб, кој дебитираше на гренд слемот со вајлд-карта.

Лошиот почеток на мечот, очигледно влијаеше лошо на контроверзниот Австралиец, кој прво влезе во расправија со една линиска судијка, нарекувајќи ја „предавник“, по што на свирежите од публиката реагираше со барање до судијката на столче, Хрватката Марија Чичак да нареди исфрлање на дел од навивачите на Џаб, велејќи: „Јас не им пречам кога тие седат во ред во супермаркет“.

На крајот, по победата, Кирјос направи уште една провокација, плукајќи кон навивачите на британскиот ривал.

The #Kyrgios show ,, him spitting on the lawn court @Wimbledon #BBCTennis pic.twitter.com/FNjLZ1ve1J

— Max Power (@Max_Power__123) June 28, 2022

Kyrgios to Marija Cicak: "…I know you have fans" 💀 pic.twitter.com/nx1zGP1eqj

— hoe logic (@SommeEllier) June 28, 2022

Светската тенисерка број 1, Ига Швјонтек влезе во историјата на тенисот со супер-лесна 6:0/6:3 победа над Хрватката Јана Фет во првото коло на Вимблдон, за сега да има неверојатни 36 победи едноподруго.

Серијата на полската тенисерка трае од февруари, период од кој освои шест титули и е најдолгата победничка серија во 21. век, рушејќи го рекордот на Венус Вилијамс од 2020. Првата фаворитка имаше чест да игра на „Централниот терен“, вообичаено осигуран за акутелната шампионка, но Австралијката Ешли Барти се пензионираше од спортот.

Во првиот меч по финалето на Ролан Гарос, Швјонтек започна фантастично со 6:0 во првиот сет освоен за 33 минути, за Фет да се закани со камбек за 3:1 водство во вториот сет, но тогаш Полјачката врати со пет гема во низа за комплетирањето на победата.

Трикратниот Ф1 шампион, Бразилецот Нелсон Пике беше осуден од Формула 1 шампионатот и од повеќе сегашни и поранешни возачи, откако го именуваше седумкратниот шампион Луис Хамилтон како „мало црнче“ во интервју од ноември, кое неочекувано стана главна тема пред Британското ГП.

Пике, чија ќерка Кели е во врска со лутиот ривал на Хамилтон, Макс Ферстапен во Ред бул, во интервјуто зборува за контроверното Британско ГП, кога Хамилтон го истурка Ферстапен од патеката во експлозивниот прв круг. Во Ред бул беа бесни што Хамилтон помина со лесна казна и во интервјуто, Пике го именува возачот на Мерцедес како „neguinho“, или мало црнче, термин кој во минатото во Бразил ја немал расистичка конотација.

„Црнчето го постави болидот на погрешен начин и не дозволи другите да свртат. Црнчето влезе лошо на кривината, која е многу опасна и нема шанса да поминат два болиди. Му направи лошо на Ферстапен. Негова среќа што другиот излета“, вели Пике во интервјуто.

Nelson Piquet usa termo racista ao comentar acidente de Hamilton com Verstappen; assista https://t.co/VS7hNBCyYU -via @EstadaoEsporte pic.twitter.com/qfPuSnc9mb

— Estadão 🗞️ (@Estadao) June 27, 2022

Откако Ф1 шампионатот јавно го осуди јазикот кој се користи, а Хамилтон побара „акција“ бидејќи е дојдено време.

„Се работи за повеќе од обичен јазик. Овие архаични менталитети мора да се сменат и нема место за нив во нашиот спорт. Опкружен сум со ваков однос и мета сум цел живот. Имаше доста време за учење. Сега е време за акции“, напиша Хамилтон на Твитер.

Интересно, минатиот месец, Хамилтон стана почесен граѓанин на Бразил со одлука на бразилскиот парламент, откако цела кариера признаваше дека Аиртон Сена е неговиот најголем Ф1 идол.

It’s more than language. These archaic mindsets need to change and have no place in our sport. I’ve been surrounded by these attitudes and targeted my whole life. There has been plenty of time to learn. Time has come for action.

— Lewis Hamilton (@LewisHamilton) June 28, 2022

Vamos focar em mudar a mentalidade

— Lewis Hamilton (@LewisHamilton) June 28, 2022