Менаџерот на Њукасл јунајтед, Стив Брус вели дека немал разговори за неговата иднина со новите сопственици на премиерлигашот, откако новиот делумен сопственик, Аманда Стевели потврди дека тој ќе го води тимот против Тотенхем во недела.

Ова ќе биде 1.000 меч на Брус како менаџер, и поранешната ѕвезда на Манчестер јунајтед признава дека ситуацијата не била лесна, посебно бидејќи клубот е на претпоследното место на табелата, а како потенцијални замени се јавуваат Лусиен Фавр, Стивен Џерард и Френк Лампард.

„Кој не би сакал да добие шанса да води тим во ваква ситуација? Ќе се обидам да го направам најдоброто за клубот. Засега не добив отказ, но во Премиерлигата тоа секогаш е возможно. Немаше разговори за отказ, иако некои работи се приватни“, вели Брус.

Ѕвездата на Наполи, Виктор Осимен во интервју со неговиот сонародник Пол Труст-Еконг на Јутјуб зборуваше за својот пат во професионалниот фудбал, признавајќи дека бил на „дното“ во Нигерија пред да почне со фудбалот.

Нигериецот во 2020 дојде во Наполи од Лил за 70 милиони евра со што стана најскапиот африкански фудбалер во историјата.

„Тоа почна како сон, детски сон. Сакав да бидам професионалец инспириран од легенди како Дидие Дрогба, Одион Игало и Микел Оби. Мислам дека успеав во тоа, и тоа е едно од моите најголеми остварувања во животот. Кога растев чистев олуци за 20 наири (околу 2 центи) и чистев по станови и канцеларии, носев вода… Работев напорно и тие пари беа важни за мене и за моето семејство. Мојот брат продаваше весници, мојата сестра портокали. Тие работи ми помогнаа во животот и затоа сум благодарен за тоа каде сум сега, поради работите кои ме направија посилен“, вели 22-годишниот Нигериец.

Тој се пресели во Европа во 2017, кога Волфсбург потпишаа договор со него, а потоа играше во Белгија (Шарлроа) и Франција (Лил). Минатата сезона тој постигна 10 гола во 24 настапи во Серија А, а оваа сезона има фантастичен старт со 7 гола во 8 меча во сите натпреварувања.

Кристијано Роналдо не застана ниту во периодот на интернационалната пауза, постигнувајќи хет-трик против Луксембург (со два пенали) при убедливата 5:0 победа над аутсајдерот од Португалија.

Со ова тој го продолжи неговиот светски рекорд на 115 голови во репрезентативниот дрес и стана првиот фудбалер во историјата кој постигал 10 хет-трика за својата репрезентација.

Влијанието на Роналдо во светот на фудбалот е огромно, а како се чувствувале фудбалерите на Луксембург, заедно со нивниот селектор, најдобро покажува фотографијата која стана вирална на Интернет – тој во скок, и буквално сите очи вперени во него.