Спорт
Хамилтон на „три тркала“ стигна до седма британска победа, катастрофа за Ботас
Мерцедес стигна до четвртата победа во четвртата трка од Формула 1 шампионатот, откако Луис Хамилтон од пол-позицијата како најголем непријател ги имаше гумите на Пирели, откако предната гума му се „распадна“ во последниот круг, но тоа не го спречи да стигне до рекордната седма победа на Британското ГП во Силверстоун.
До третата победа во низа Хамилтон стигна во претходно досадна трка, која „експлодираше“пред асот на Ред бул, Макс Ферстапен, кој беше на третото место до претпоследниот круг од трката, кога на Валтери Ботас му се распадна гумата за драматичен финиш. До третото место стигна Шарл Леклер во Ферари, додека Ботас на крајот заврши на 11. место.
Проблеми со гумите поради високата температура имаа речиси сите возачи, како Карлос Саинс, кој со својот Мекларен заврши надвор од поени откако во последниот круг беше на четвртото место, за да дозволи Даниел Рикардо (Рено) да биде четврт пред Лендо Норис (Мекларен), Естебан Окон (Рено), Пјер Гасли (Алфа Таури), Александер Албон (Ред бул), Ленс Строл (Рејсинг поинт) и Себастијан Фетел на 10. место, истата позиција од која стартуваше.
Хамилтон сега има 88 поени во генерален пласман дури 30 повеќе од Ботас на 58, а Ферстапен е трет со 51. Во пласман на конструктори ситуацијата е уште „посилна“ – Мерцедес имаат 146, Ред бул 78, а Мекларен 51.
Yeah, Lewis Hamilton won the British Grand Prix with a tyre that looks like THAT. He can't quite believe it either! #BritishGP pic.twitter.com/SbAJMOe6Bg
— iGP Manager (@iGPManager) August 2, 2020
LAP 50/52
Disaster for Bottas as he’s forced to limp back to the pits from P2 with damage to his wheel
He emerges all the way down in P12!#BritishGP ?? #F1 pic.twitter.com/PwgYFUfVxR
— Formula 1 (@F1) August 2, 2020
? TOP 10 FINISHERS ?
Hamilton ?
Verstappen
Leclerc
Ricciardo
Norris
Ocon
Gasly
Albon
Stroll
Vettel#BritishGP ?? #F1 pic.twitter.com/Eqzj8C2FmB— Formula 1 (@F1) August 2, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.