Спорт
Хамилтон најбрз пред квалификациите, во недела ќе стартува 5 места подолу
Луис Хамилтон го постави најдоброто време на првиот тренинг пред Бразилското ГП на патеката Интерлагос, откако беше потврдено дека ќе добие казна од 5 места на неделната трка поради менување на моторот, додека Макс Ферстапен беше зад ривалот пред вечерашните квалификации за утрешната спринтерска трка.
По потврдата на казната, сесијата не почна најдобро за Хамилтон, откако во Мерцедес имаа проблеми со сетапот, но како што течеше сесијата, тој на меки гуми го постави најдобриот скор од 1:09.050 на легендарната патека, за три десетинки од секундата пред Ферстапен.
Ферстапен има 19 поени пред Хамилтон на четири трки пред крајот, и сега ќе биде клучна квалификациската сесија во 20 часот, со која ќе се одреди стартот на саботата спринтерска трка од 24 круга. Позицијата на Хамилтон нема да биде под закана за таа трка, односно ако биде прв ќе стартува утре прв, но во недела ќе стартува пет позиции подолу од пласмаот поради петтата промена на моторот во 2021.
Серхио Перез продолжи со одличната форма со трето место и една десетинка заостанување зад Ферстапен и една десетинка пред Валтери Ботас во вториот Мерцедес.
Пјер Гасли беше петти за Алфа Таури пред Карлос Саинс и Шарл Леклер во Ферари, додека Мекларен разочараа – Лендо Норис беше 15., а Даниел Рикардо само 19.
Lewis leads the Red Bulls after first practice ?#BrazilGP ?? #F1 pic.twitter.com/GEzKAtt2T2
— Formula 1 (@F1) November 12, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.