Спорт
Хамилтон помина 15 болиди за 24 круга, а Волф му порача да ги „е.е сите“!
Пред денешното „вистинско“ Бразилско ГП во Интерлагос, Формула 1 шампионатот беше обвиен во вистинска драма околу легалноста на болидот на Мерцедес, што на крајот резултираше со одземање на пол-позицијата на Луис Хамилтон и казна од 50.000 евра за неговиот ривал за титулата, Макс Ферстапен, кој му го допираше болидот по петочните квалификации.
Во сенка на контроверзите, седумкратниот Формула 1 шампион, Хамилтон уште еднаш покажа дека е неверојатен талент зад воланот и ги замолчи критичарите, откако во саботната спринтерска трка во само 24 круга успеа да помине 15 болиди и да ја заврши трката на 5. место. Тој ќе ја стартува неделната трка од 10. место поради дополнителната казна од 5 места поради петто менување на моторот, и има тешка задача бидејќи Ферстапен сега има предност од 21 поен на четири трки на крајот.
По неверојатниот финиш, шефот на Мерцедес, Тото Волф не можеше да се возддржи од искажување на фрустрацијата порачувајќи му на Хамилтон: „Луис брилијанто завршена работа, ограничување на штетата. Е.и ги сите“.
Волф, кој инсистираше дека нивното задно крило не ги задоволувало регулативите за само 0.2 милиметри, вели дека пораката не била кон ФИА и стјуардите.
„Секако, не го мислев тоа кон правилата. Менталниот склоп кој го имаме значи дека понекогаш кога е тешко, треба да бидеш упорен и тоа го правиш со тоа да кажеш: е.и ги сите“, се правдаше Волф.
P20 ??? P5@LewisHamilton put on an overtaking show on Sat
Pourday!#BrazilGP ?? #F1Sprint pic.twitter.com/erH6WjvMIi
— Formula 1 (@F1) November 13, 2021
“It’s not over yet” – @LewisHamilton #BrazilGP ?? #F1Sprint pic.twitter.com/p0qn8PgRdX
— Formula 1 (@F1) November 13, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.