Спорт
Хамилтон поради малку познато правило ќе го пропушти првиот тренинг во Франција
Луис Хамилтон ќе го пропушти првиот тренинг за Големата награда на Франција поради малку познато правило. Седумкратниот шампион на првиот тренинг на патеката „Пол Рикар“ ќе биде само набљудувач.
Неговиот настап е спречен со правило кое не им е многу познато на површните следбеници на овој спорт.
Имено, за сезоната 2022 година, сите десет екипи мора да му дадат две можности на млад возач, на првиот тренинг пред една од трките.
Овој пат возачот кој ги исполнува критериумите за дебитант е шампионот во Формула 2 од 2019 година и шампионот во Формула Е од 2020/2021 година, Ник де Врис, кој ќе го замени Хамилтон во Мерцедес на првиот петочен тренинг.
„Во текот на сезоната, секој возач е должен да се откаже од еден од првите тренинзи во корист на млад возач. Луис избра тоа да го направи во Франција, а Џорџ Расел ќе го направи тоа подоцна во сезоната“, соопштија од Мерцедес.
„Едвај чекаме да видиме како ќе се снајде“, додаде шефот на германскиот тим Тото Волф.
This weekend @nyckdevries will be taking the wheel of W13 for FP1. ????
Lewis has chosen this weekend to fulfil the first of two young driver sessions required by all teams this season. George has selected one later in the year. pic.twitter.com/aNimIvCClU
— Mercedes-AMG PETRONAS F1 Team (@MercedesAMGF1) July 20, 2022
Инаку, Де Врис веќе ја почувствува Ф1 на почетокот на годината, кога возеше за Вилијамс на првиот тренинг на Шпанското ГП.
Холанѓанецот тогаш успеа да има подобро време од вториот возач на Вилијамс, Николас Латифи.
Првиот тренинг на „Пол Рикар“ е во петок од 14 часот, вториот тренинг е истиот ден од 17 часот, а третиот во сабота од 13 часот.
Квалификациите се во сабота од 16 часот, а 12. трка од овогодинешниот Ф1 шампионат е закажана за в недела во 15 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.