Спорт
Хамилтон: Се борев со сопствените демони на патот до титулата
Луис Хамилтон ја прослави својата шеста Ф1 титула во Њујорк со членови на своето семејство и со пријателите, откако призна дека ја возел оваа сезона „борејќи се со сопствените демони“.
По второто место во Остин, со кој Хамилтон се доближи на само една титула до легендарниот Михаел Шумахер, тој заедно со својот тим со авион пристигна во „Големото јаболко“, каде што прославуваше доцна до ноќта, а во среда ќе има посебен пречек во седиштето на Мерцедес Ф1 во Брекли.
34-годишниот Хамилтон следната сезона ќе се обиде да го стигне Шуми по бројот на титули, но и по бројот на победи бидејќи е на само осум од рекордот на Германецот од 91 триумфи. Сепак, тој вели дека титулата имала „скапа цена“.
„Секоја година поминувате низ различни емоции. Сите од нас се мачат со нешто во својот живот. Сакам да им покажам на луѓето дека однадвор работите секогаш изгледаат одлично, но не секогаш е така. Јас се мачам со многу различни работи и се борам со некои мои демони. Кога ќе се погледнете во огледало секој ден, без разлика дали се чувствувате добро или лошо , секогаш е тука темната страна која ве влече надолу. Се обидувам да се погледнам во огледало секое утро и да се кренам созборови“, вели загрижувачки Хамилтон.
Тој признава дека бил потресен од смртта на Ники Лауда, не-извршниот директор на Мерцедес во мај и загинувањето на Ф2 возачот Антоан Убер ова лето на Белгиското ГП.
„Искрено не мислев дека губењето на Ники ќе ме потресе толку. Многу ми недостасува и сега и не сфаќав колку го сакав тој човек. Исто така загубивме младо дете во Спа. Кога ќе се случи такво нешто, некои работи ги гледаш во перспектива. Си помислуваш: ’Дали е време да сопрам?’. Има живот и надвор од Ф1 и сакам еден ден да имам мое семејство“, додава Хамилтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…