Спорт
Хамилтон со рутинска кинеска победа во историската 1000-та Ф1 трка
Луис Хамилтон нема да ја даде својата светска титула лесно, откако стигна до својата втора победа во првите три трки од новата Формула 1 сезона, поминувајќи го својот колега од Мерцедес, Валтери Ботас на стартот на Кинеското ГП, за рутински триумф во историската 1000. трка во шампионатот.
Ова е 74. победа во кариерата на ѕвездата на Мерцедес, со која е нов лидер во генерален пласман пред својот колега Ботас, и шеста победа на патеката во Шангај. Хамилтон има 68 поени пред Ботас со 62.
„Не беше наједноставен викенд, но ова е фантастичен резултат за мене и за тимот. Дојдовме тука не знаејќи каде сме со силите, но на крајот имаме еден-два победа во 1000-тата трка“, изјави Хамилтон.
BREAKING: @LewisHamilton wins the 1000th F1 race, triumphing in China for the sixth time and taking the lead in the world championship standings ?#ChineseGP ?? #Race1000 pic.twitter.com/5CpCtHSGO7
— Formula 1 (@F1) April 14, 2019
Ферари повторно не успеаја да ги предизвикаат возачите на „Сребрената стрела“, откако Себастијан Фетел заврши како трет пред Макс Ферстапен во Ред бул и колегата Шарл Леклер, откако од Ферари му наредија на младиот возач од Монако да го пропушти Германецот. Фетел во финишот исто така го загуби дополнителниот поен за најбрз круг откако Пјер Гасли во Ред бул во претпоследниот круг му го „грабна“ поенот.
Гасли заврши на шестото место пред Даниел Рикардо (Рено), Серхио Перез (Рејсинг поинт), Кими Раиконен (Алфа Ромео), а својот квалитет го покажа младиот возач на Торо росо, Александер Албон откако од последното место на стартот успеа да стигне до 10. место и до својот прв поен во кариерата.
Стартот на трката беше одбележан со нов „камиказе-потег“ на Данил Квјат, кој ги „собра“ двајцата возачи на Мекларен, за што доби казна за влегување во боксот. Нико Хилкенберг пак, ја го има неславниот скор – три трки-три откажувања за тимот на Рено.
The collision on lap 1 that led to the VSC and a drive through penalty for Kvyat?#ChineseGP #F1 pic.twitter.com/2rxdTMoTIH
— F1 Live (@F1Live2) April 14, 2019
TOP TEN (LAP 56/56)
HAM ?
BOT
VET
VER
LEC
GAS
RIC
PER
RAI
ALB#ChineseGP ?? #Race1000 pic.twitter.com/bZY2lSCKWk— Formula 1 (@F1) April 14, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.