Манчестер сити маршираат кон новата шампионска титула во Премиер лигата. „Граѓаните“, на врвот имаат 12 поени повеќе од Манчестер јунајтед, 13 од Лестер и 17 од Вест Хем.

Тимот на Пеп Гвардиола се наоѓа во серија од 20 победи, 14 од нив забележаа во Премиер лигата.

Наредниот противник на Манчестер сити ќе биде Вулверхемптон.

„Секогаш може и подобро, тоа е нашата цел. Доколку почувствувам дека некој мисли дека се е готово, тогаш тој фудбалер нема да игра. Знам кога момците не се подготвени да го продолжат она што требаме да го направиме. За да ја оствариме целта треба да одработиме уште осум-девет натпревари. Тоа не е малку“, рекол Гаврдиола.

„Граѓаните“, вечерва од 21 часот ќе го пречекаат Вулверхемптон.

Британскиот премиер Борис Џонсон, ја поддржал потенцијалната заедничка кандидатура на Англија, Шкотска, Велс, Северна Ирска и Република Ирска за организација на Светското првенство во фудбал во 2030 година.

Кандидатурите за организација на СП во 2030 година ќе можат да се поднесат наредната година. Британците веќе започнале да ги разгледуваат сите опции и заедничката кандидатура.

„Заинтересирани сме за можноста во 2023 година фудбалот да го вратиме дома, мислам дека тоа е исправно. Овде е домот на фудбалот, мислам дека тоа би било фантастична вест за целата земја“, рекол премиерот на владата на Велика Бротанија, Борис Џонсон.

Владата кандидатурата на Велика Британија ќе ја подржи со 2,8 милиони фунти, соопшти Фудбалската асоцијација.

Англија во 1966 година го организираше Светското првенство во фудбал, кога и ја освои единствената титула.

Инаку, СП во 2022 година ќе се одржи во Катар, а четири години подоцна домаќини ќе бидат САД, Мексико и Канада.

Бруклин Нетс, по пауза од 19 години, еден месец и еден ден, победија во Сан Антонио. Нетс, по дополнителните пет минути, ги совладаа Спарси со 124:113.

Џејмс Харден одигра брилијантен натпревар, забележа трипл-дабл од 30 поени, 14 скокови и 15 асистенции. „Брадата“ е првиот играч во историјата кој забележал трипл-дабл од најмалку 30 поени, 10 скока и 15 асистенции, без загубена топка.

Покрај Харден кај Нетс се истакнаа Кајри Ирвинг со 27 и Брус Браун со 23 поени. Кевин Дурент не играше поради повреда.

Најдобри во редовите на Сан Антонио беа Демар Дерозан со 22 поени и 11 асистенции и Дежонте Мареј со 19 поени.