Спорт
Хаотичниот крај во Каљари се случил поради расистичките навреди кон Мањан и Томори
Хаотичните сцени во финишот на вчерашниот меч помеѓу Каљари и Милан (0:1) се случиле поради расистичките навреди од навивачите на Сардинија кон Фикајо Томори и Мајк Мањан, тврдат италијанските медиуми.
Голманот на Милан, Мањан бил најблиску до ултрасите на Каљари, а по крајот на мечот тој направи гест дека не ги слуша, нешто што ги зовреа страстите, и фудбалерите на Каљари почнаа мешаница во која беа вклучени фудбалери на двата клуба, вклучувајќи го и директорот на Милан, Паоло Малдини, кој се обидуваше да ја смири ситуацијата.
Според „Скај спорт Италија“, проблемите продолжиле и на патот до соблекувалната посебно помеѓу Златан Ибрахимовиќ и Жоао Педро. Инцидентот го потврди и тренерот на Милан, Стефано Пиоли.
„Мајк ми кажа дека постојано слушал навреди зад голот. Ова е првпат тој да реагира импулсивно, така што имало причина. Томори ми го кажа истото. Никој не заслужува такво нешто“, изјави Пиоли за „ДАЗН“.
За жал, ова не би бил прв случај навивачите на Каљари да се виновни за расизам по повеќе инциденти во минатото. Тие расно го навредуваа Моисе Кин од Јувентус во минатото, а минатата година таков прием доби Ромелу Лукаку додека беше фудбалер на Интер.
? Things got heated after the full-time whistle, with allegations that Cagliari fans racially abused Tomori after the full-time whistle.
? @notgiorgia2pic.twitter.com/HD5CiIPwYG
— SempreMilan (@SempreMilanCom) March 19, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.