Спорт
Хау не сака да ги коментира Саудијците, ќе се фокусира на фудбалот
Менаџерот на Њукасл, Еди Хау им врати на Гери Невил и на Џејми Карагер околу критиките кои поранешните фудбалери ги имаа за саудиските газди на англискиот клуб, посочувајќи дека ќе се држи до тоа што го знае, а тоа е фудбалот.
По санкциите кои ги доби Роман Абрамович во Челси, Карагер и Невил посочија дека ниту газдите на Њукасл, саудискиот државен фонд (ПИФ) не се „чисти“ околу прекршувањето на човековите права, посочувајќи на егзекуцијата на 81 луѓе минатата недела, наводно поради поврзаност со тероризам.
„Јас сум тука да менаџирам фудбалски тим. Во модерниот свет, очигледно дел од мојата работа е да знам што се случува низ светот и полека се едуцирам. Ги почитувам Гери Невил и Џејми Карагер и немам проблем со тоа што го кажуваат. Но, на крајот, мое право е што ќе кажам и кога ќе кажам. Од моја перспектива, полето на специјализација е фудбалот. Тоа го знам и тоа го работам. Кога ќе зборувам за теми кои не ги познавам може да биде опасно, така што ќе останам на тоа што го знам. Горд сум што го претставувам овој клуб, навивачите и градот и работиме да создадеме тим на кој ќе се гордееме“, вели Хау.
?️ “My specialist subject is football”#NUFC boss Eddie Howe has admitted he does not feel qualified to answer questions over the club’s Saudi owners amid football’s ongoing geo-political debate. pic.twitter.com/yZ0wf8OSyK
— Sky Sports Premier League (@SkySportsPL) March 16, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.