Спорт
Холандија-Аргентина: Ривалството и статистиката гарантираат спектакл
Холандија и Аргентина вечерва на „Лусаил Ајконик“ стадионот во Лусаил ќе се борат за пласман во полуфиналето на Светското првенство. За многумина, ова е вистинското дерби во четвртфиналето, бидејќи ривалството меѓу овие репрезентации е антологиско.
Холандија и Аргентина, почнувајќи од СП во Германија во 1974 година до денес, одиграле некои од највозбудливите натпревари на Мундијалите. Најзначајниот, секако беше во 1978 година. На домашен терен, предводена од Марио Кемпес, Аргентина преку Холандија дојде до својата прва светска титула.
Последниот меч на Мундијалите им донесе уште една радост на Аргентинците. Во полуфиналето на СП во 2014 година во Бразил, Аргентина победи по изведувањето на пенали.
Досега одиграле девет натпревари, една победа повеќе има Холандија (4:3).
На ова СП, двете селекции ги освоија своите групи и покрај тоа што Аргентина стартуваше со сензационалниот пораз од Саудиска Арабија (1:2).
Местото во топ 16 го обезбедија со победите од по 2:0 против Мексико и Полска.Во осминафиналето „гаучосите“ ја победија Австралија со 2.1.
Холандија ја освои групата А со седум бода. „Лалиљата“ со по 2:0 славеа над Сенегал и Катар по 2:0, а одиграа нерешено 1:1 со Еквадор.
Во осминафиналето пред четата на Ван Гал паднаа САД со 3:1.
Низ досегашниот тек на турнирот, статистички гледано Холандија и Аргентина се речиси израмнети. Холанѓаните постигнаа гол повеќе и примија гол помалку. Аргентина има нешто поголем посед на топката и создава повеќе шанси.
Кога се ќе се собере и одземе јасно е дека ни претстои уште една фантастична епизода од епското ривалство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.