Поддршката која ПСЖ ја има на социјалните мрежи, драстично опаѓа во последните денови. ПСЖ изгуби повеќе од два милиони следбеници на „Инстаграм“. Ова се должи на заминувањето на Лионел Меси.

Додека Меси одлучува дали кариерата ќе ја продолжи во Барселона, Саудиска Арабија или на некое друго место, во Париз знаат дека останаа без фудбалер кој е вистински магнет за спонзорите.

Парижаните доведоа до сега двајца нови играчи, Мануел Угарте и Марко Асенсио, но јасно е дека тие не можат да привлечат ни приближно толку фанови како Меси.

Аргентинецот не мина најдобро време во Париз, особено за него беше лош финишот на сезоната. На секој натпревар на „Паркот на принцовите“ беше пречекан со свирежи од домашната публика. кон крајот на оваа сезона.

Навивачите го навредуваа од трибините и додека тој и неговите соиграчи добиваа награди за освоената титула во Лига 1.

Фудбалскиот клуб Манчестер сити планира да му понуди продолжување на договорот на норвешкиот напаѓач Ерлинг Халанд по завршувањето на сезоната, пренесува „Дејли Телеграф“.

Халанд минатата година пристигна во Манчестер сити од Борусија Дортмунд за 60 милиони евра, со „граѓаниѕе“ има договор до 30 јуни 2027 година.

Оваа сезона за Манчестер сити во сите натпреварувања постигна 52 гола на 52 натпревари.

Халанд претходно изјави дека во текот на кариерата сака да игра во сите пет големи европски лиги, а се шпекулираше дека би можел да ја продолжи кариерата во Реал.

Британските медиуми пренесуваат дека челниците на Манчестер сити сакаат со нов договор да спречат какви било преговори со мадридскиот клуб.

Халанд во првата сезона со Сити ја освои Премиер лигата и ФА Купот, а има можност да слави и во Лигата на шампионите, доколку во сабота, Сити го победи Интер.

Златан Ибрахимовиќ и Хоакин, во неделата ги завршија своите фудбалски кариери. Нивното пензионирање значи дека сега има само тројца играчи од СП 2002 во Јапонија и Кореја кои активно се занимаваат со фудбал.

Прв меѓу нив е Џанлуиџи Буфон, легендата на италијанскиот фудбал кој се уште настапува за Парма. Тој се уште нема донесено одлука за повлекување. Буфон со својата долговечност и квалитет стана икона на голманската позиција, па и на 43 години пружа спектакуларни партии.

Вториот е Роке Санта Круз, парагвајскиот фудбалски великан и поранешен капитен на националниот тим. Санта Круз имаше одлична кариера каде играше за клубови како Баерн, Манчестер Сити, Бетис и Малага. Тој денеска на 41 година настапува за Либертад во својата татковина и го чека крајот на кариерата.

Третиот фудбалер е Бартоломеј Огбече, 38. годишен напаѓач кој моментално игра во Индија за Хајдерабад. Во 2002 година Огбече ја претставуваше Нигерија на Светското првенство, а во текот на кариерата играше за познати клубови како ПСЖ, Мец, Алавес, Реал Ваљадолид и Кадиз. Огбече има договор со Хајдерабад до ова лето, прашање е дали ќе ја продолжи кариерата.