Спорт
Хулигани дивееа во Сент Етиен, Хаг и Букурешт
Неделата беше ден на борба за опстанок во неколку европски лиги, а ја одбележа дивјаштвото на хулиганите на поразените екипи.
Во центарот на вниманието беше борбата за опстанок во француската Лига 1, од која отпадна поранешниот европски првак Сент Етјен.
Подобри по изведувањето на пенали беа фудбалерите на второлигашот Оксер, по што хаос на теренот направија домашните навивачи кои со факели ги бркаа играчите на својот тим.
Судбината на поранешниот француски фудбалски гигант е неизвесна поради неговата елиминација во Лига 2, бидејќи Сент Етјен долги години има финансиски проблеми.
Saint Etienne are relegated to Ligue 2… This is carnage. pic.twitter.com/qIwpvJ6zOT
— Harry (@ArryLavsTheYids) May 29, 2022
Хаотично беше и по улиците на Хаг, откако домашниот тим Ден Хаг беше поразен од Ексцелзиор од Ротердам, во баражот за пласман во холандската Ередивизија.
Неколку стотици хулигани од Хаг дивееле по улиците, па полицијата морала да употреби сила.
Навивачите тешко го прифатија катастрофален пораз на домашен терен на пенали, откако нивниот тим имаше предност од 3:0 на почетокот на вториот дел.
Lots of troubles outside the stadium of ADO Den Haag tonight after they failed promotion to the Eredivisie when they lost to Excelsior Rotterdam ??? pic.twitter.com/s67SY4I2aV
— Casual Ultra (@thecasualultra) May 29, 2022
Драматично беше и во Букурешт откако локалниот Динамо првпат во клупската историја испадна од првата лига.
Беше потребна масовна акција на жандармеријата за да се спасат играчите на Динамо од линч на навивачите.
„Резултат на 15 години лудило, грешки и неспособност“, коментираше романскиот новинар Емануел Роше за испаѓањето на Динамо.
BREAKING: For the first time in the club's history, Romanian giants Dinamo Bucharest are relegated to the second tier.
The result of 15 years of madness, errors, and incompetence.
Massive mobilization from the gendarmes to avoid attacks on Dinamo players. pic.twitter.com/mfl8Mpfn7L— Emanuel Roşu (@Emishor) May 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Репрезентациите на Евро со 26 наместо со 23 играчи
Европската фудбалска унија (УЕФА) е блиску до конечна одлука за зголемување на бројот на фудбалери во репрезентациите за овогодинешното Европско првенство во Германија, пренесува „Скај Спортс“.
Иако долго се споменуваше, оваа промена за првпат беше официјално предложена на почетокот на април во Дизелдорф, на иницијатива на селекторот на Србија, Драган Стојковиќ Пикси, каде што се одржа завршната едукативна работилница на УЕФА.
Како што пренесува „Скај Спортс“, делегатите на националните натпреварувања во понеделникот гласале за промена и зголемување од 23 на 26 фудбалери кои треба да им бидат на располагање на селекторите во Германија.
Тоа не е конечна одлука, бидејќи прво треба да биде одобрена од Извршниот одбор. Се очекува тоа да се случи пред 22 мај, за кога е закажана следната седница на ова тело.
Последен пат проширените тимови беа користени во 2021 година на Европското првенство, како мерка што им олесни на селекторите да се справат со пандемијата на коронавирусот.
Фудбалските сојузи имаат рок до 7 јуни да ги испратат конечните списоци со играчи за Европското првенство.
Натпреварувачката сезона во Европа ќе заврши со финалето на Лигата на шампионите на 1 јуни, а Европското првенство ќе се одржи од 14 јуни до 14 јули во Германија.
Спорт
(Видео) Отказ, па казна за Вујовиќ – Му забранија да биде тренер во Хрватска
Дисциплинскиот судија на Хрватскиот ракометен сојуз ги изрече казни за претставниците на екипата на Нексе од Нашице за инцидентот на мечот со Загреб на 8 април.
Делегатот на тој натпревар, во мешаницата која настана кај записничјката маса, намерно беше удрен од играчот на Нексе, Словенецот Марко Безјак, а натпреварот набргу потоа беше прекинат.
Лекарска помош му беше укажана и на делегатот Анте Јосиќ, а судиите по дваесетина минути означија крај на натпреварот. Натпреварот подоцна беше регистриран со службен резултат 10:0 во корист на Загреб
Инцидентот се случи како последица на големото незадоволство на домашните поради низа судиски одлуки. Во еден момент сите тргнаа кон делегатот, таму беше и тренерот Веселин Вујовиќ, а врв на се беше неспортскиот потег на Безјак.
На се’ му претходеше протест на Вујовиќ до делегатот поради спорната одлука на судијата да го поништи голот на неговиот тим и наместо тоа да покаже седмерец.
Поради ова, дисциплинскиот судија Среќко Илиќ изрече забрана за играње ракомет на Безјак 12 месеци, а на Андраж Велкаврх му изрече суспензија на четири натпревари.
На Веселин Вујовиќ му е изречена дисциплинска мерка забрана за вршење на тренерска функција во траење од три месеци. Вујовиќ неодамна доби отказ од клупата на Нексе по поразот од Пореч. Тимот во преостанатиот дел од сезоната ќе го води поранешниот помошник Крешо Иванковиќ.
Покрај тоа, клубот е казнет со 4.000 евра.
Спорт
Але го пропушта натпреварот со Пари-Сен Жермен
Напаѓачот на Борусија Дортмунд, Себастијан Але, речиси сигурно ќе го пропушти полуфиналето од Лигата на шампионите против Пари Сен Жермен следната недела, пренесува „Лекип“.
Репрезентатиецот на Брегот на Слоновата коска, го повреди скочниот зглоб на гостувањето кај Борусија Менхенгладбах (2:1), Але ќе мора да паузира најмалку две недели.
Ова е лоша вест за напаѓачот кој неодамна се опорави од рак на тестисите и штотуку почнува да се враќа во добра форма.
Зимава настапуваше за репрезентацијата на Брегот на Слоновата Коска со која го освои Африканскиот куп на нации.
Але одигра 40 натпревари за Дортмунд, постигна 12 гола и забележа шест асистенции.
Борусија се пласираше во полуфиналето на Лигата на шампионите за прв пат по 2013 година, кога го елиминираше Реал Мадрид, а потоа загуби од Баерн Минхен во финалето на „Вембли“.