Спорт
Хумелс и Милер за вратија во германскиот тим, отпадна Дракслер
Јоаким Лев го обајви со кои играчи ќе патува на ЕУРО 2020. Германија на континенталниот шампионат се наоѓа на „групата на смртта“ заедно со Франција, Португалија и Унгарија. Лев, во репрезентацијата ги врати искусните Томас Милер и Матс Хумелс.
Лев на новинарите им приреди три изненадувања, на ЕУРО 2020 ќе настапи тинејџерот од Баерн Минхен, Џамал Мусијала, односно левиот бек на Фрајбург, Кристијан Гинтер, кој доби место во националниот тим откако на Германците им пропадна обидот да го ангажираат Хрватот Борна Соса. Селекторот во репрезентацијата не го повика Јулијан Дракслер од ПСЖ.
Од претходно беше познато дека на Еп нема да настапат голманот Марк-Андре тер Штеген, кој мора да ја оперира тетивата и Марко Ројс кој побара одмор од напорната сезона.
Голмани: Берн Лено (Срсенал), Мануел Нојер (Баерн), Кевин Трап (Ајнтрахт)
Одбрама: Матс Хумелс (Дортмунд), Матијас Гинтер (Менхенгладбах), Робин Госенс (Аталанта), Марсел Хаслстенберг (Лајпциг), Лукас Клостерман (Лајпциг), Робин Кох (Лидс), Антонио Ридигер (Челси). Никлас Зиле (Баерн)
Среден ред: Емере Џан (Дортмунд), Леон Горецка (Баерн), Илкај Гундоган (Манчестер сити), Јонас Хофман (Менхенгладбах), Џошуа Кимих (Баерн), Тони Крос (Реал), Флоријан Нојхаус (Менхенгладбах)
Напад: Серж Гнабри (Баерн), Каи Хаверц (Челси), Томас Милер (Баерн), Џамал Мусиала (Баерн), Лерој Сане (Баерн), Кевин Фоланд (Монако), Тимо Вернер (Челси).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.