Спорт
ИФФХС му го оспори рекордот на Роналдо – Јосеф Бикан e кралот на стрелците
Меѓунардониот институт за фудбалска историја и статистика (ИФФХС) не му го признава рекордот на Кристијано Роналдо. Португалецот, синоќа, против Наполи го постигна 760 гол во кариерата и стана најдобар стрелец во историјата на фудбалот. На вечната листа тој го мина Јосеф Бикан.
ИФФХС тврди дека Бикан во кариерата не постигнал 759, туку 821 гол. Според овој податок Чехот се уште е кралот на стрелците.
Бикан бил активен фудбалер во периодот од 1931 до 1958 година.
„Бикан како играч на Храдец Карлове, во Втората лига, има постигнато 53 гола. Тој податок недостигаше. Секој детал го проверивме два пати и дојдовме бројка од 821 гол. Толку голови постигнал Бикан на официјални натпревари. Тоа значи дека Кристијано Роналдо се уште не е најдобар стрелец во историјата, ќе мора уште многу да работи за да го урне рекордот“, рекол Јарослав Колар.
Не треба да се заборави дека и бразилските легенди Пеле и Ромарио тврат дека постигнале повеќе голови од Роналдо, но за разлика од Бикан тие немаат доказ дека тоа е вистина.
Kolega z Komise pro historii a statistiku FAČR ?Jaroslav Kolář má důležitý vzkaz pro všechny příznivce @Cristiano! A samozřejmě i pro tu větší skupinu?, tedy pro fanoušky Pepiho Bicana ? #CR7 #Statistics #bican #821goals pic.twitter.com/1sgRpLFRPq
— Michal Jurman (@michaljurman) January 21, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.