Спорт
Играчите и тренерот одбиле намалување на платите
Играчите на Локомотив Москва го одбиле прелогот на клубот платите за април и мај да им бидат намалени за 40 отсто. Одлуката на играчите ја поддржал и тренерот Јури Сјомин.
Поради пандемијата што во светот ја предизвика коронавирусот клубовите се обидуваат да ги намалат трошоците со намалување на платите. Во Русија играчите на Зенит, ЦСКА Москва и Спартак се согласиле нивните плати да бидат намалени, меѓутоа истиот предлог не поминал во Локомотив.
Локомотив изминатите две сезони играше во Лигата на шампионите и според некои проценки само од учеството клубот заработил околу 50 милиони евра. Поради тоа на Сјомин и неговите фудбалери не им е јасно зошто тие треба да се откажат од дел од своите плати.
„Играчите со пласманот во главната фаза во Лигата на шампионите, во изминатите две сезони, му овозможија на клубот да заработи сериозна сума на пари. Од некоја причина на ова никој во клубот не обрнува внимание. Поради тоа немојте да ги обвинувате играчите дека се алчни и не благодарни, бидејќи не размислувале за клубот кој ги храни. Ова е заеднички процес, фер е да се каже дека тие повеќе го хранат клубот, отколку клубот нов“, напишал во колумната за „Спорт Експрес“, 72 годишниот Сјомин.
„Најлесно е да им кажете на играчите да се откажат од платите, многу потешко е кон нив да се однесувате со доза на почит. На крајот тоа се момците што произведуваат емоции кои денес ни недостигаат, немојте тоа да го заборавите. Од договорот со клубот не живеат само фудбалерите туку и нивните семејства“, заклучил во колумната тренерот на Локомотив.
Нов состанок помеѓу клупските челници и фудбалерите е закажан за наредната недела но прогнозите се дека ништо нема да се смени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дождот направи хаос, Норис пред Хамилтон и Алонсо на пол-позицијата за спринт-трката во Шангај
Ландо Норис најдобро се снајде во хаотичните услови во квалификациите за првата спринт трката оваа сезона во Формула 1, Големата награда на Кина.
Дождот им создаде големи проблеми на возачите, а во такви услови најдобар беше пилотот на Мекларен. Норис забележа време 1:57.940 минути, кое беше за 1,2 секунди подобро времето на Луис Хамилтон (Мерцедес) и 1,9 секунди побрзо од времето на Фернандо Алонсо (Астон Мартин).
Искуството на Хамилтон и Алонсо пресуди во борбата со пилотите на Ред Бул и Ферари кои возат подобри болиди.
Актуелниот светски првак, Макс Ферстапен спринтот в Шангај ќе го започне од четвртото место, зад него се Карлос Саинц (Ферари), Серхио Перез (Ред Бул), Шарл Леклер (Ферари), Оскар Пјастри (Мекларен), Валтери Ботаси и Жу од Заубер.
Спринт трката во пресрет на Големата награда на Кина, утре се вози во 5 часот по македонско време. Квалификациите за главната трка ќе се одржат четири часа подоцна. Големата награда на Кина започнува во недела во 9 часот.
Спорт
„Им посакувам сѐ најдобро на моите браќа на Олимпијадата, јас не сум доволно добар“
Кошаркарот на Далас Кајри Ирвинг не се најде на списокот на репрезентацијата на САД за претстојните Олимписки игри во Париз.
Плејмејкерот на Маверикс изјави дека не е изненаден што не е меѓу 12-те избрани за олимпискиот турнир.
Ирвинг, освои злато со тимот на САД на Олимпијадата во 2016 година во Рио де Жанеиро.
„Им посакувам се најдобро на моите браќа. Едноставно не бев доволно добар за овој тим“, рече Ирвинг.
„Процесот на изборот беше тежок. Но, повторно, немам ништо друго освен почит кон овие момци. Во овој момент од мојата кариера, мислам дека мојот фокус треба да биде на освојување на шампионатот“, додаде бекот на Далас.
Тимот на Стив Кер во Париз го сочинуваат Леброн Џејмс, Девин Букер, Џејсон Тејтум, Кави Ленард, Џоел Ембид, Тајрис Халибартон, Џру Холидеј, Бем Адебајо, Стеф Кари, Ентони Дејвис, Ентони Едвардс и Кевин Дурент.
Спорт
Нема повеќе повторување на натпревари во ФА Купот
Фудбалската асоцијација на Англија (ФА), објави дека од следната сезона, во ФА купот нема да се преигруваат натпреварите кои ќе завршат без победник. Правилото, старо колку и самото натпреварување, од следната сезона ќе важи само во квалификациите. за повторување ќе важи само во квалификациите.
Укинувањето на повторувањата е само еден од неколкуте чекори договорени од ФА и Премиер лигата во следните шест години.
Во иднина сите натпревари од ФА Купот ќе се играат за викенди, со исклучок на четвртото коло, во кое натпреварите ќе се играат од петок до среда. Во четвртото и петтото коло од ФА Купот нема да се играат натпревари од Премиер лигата.
Финалето на ФА Купот ќе се одигра во претпоследниот викенд од сезоната во Премиер лигата. Тој ден нема да се играат натпревари од Премиер лигата. Во петок, на ден пред финалето на ФА Купот, нема да има натпревари од Премиер лигата.
Промените во ФА Купот ќе донесат поинаков вид посветеност на Премиер лигата. Прво, Премиер лигата ќе обезбеди дополнителни 33 милиони фунти за фудбалот, покрај 100-те милиони фунти што досега ги плаќаше на крајот од секоја сезона.
Покрај тоа, Премиер лигата ги задржува сите претходни обврски – на секои три години Премиер лигата исплаќа 1,6 милијарди фунти за сите нивоа во машка и женска конкуренција за да помогне во развојот на фудбалот.
Одлучено е и Комјунити Шилд натпреварот за сезоната 2024/25 да се одигра во сабота на 10 август. Една недела подоцна ќе започне сезоната во Премиер лигата.