Спорт
Икарди и се заканил на Ванда Нара – Откажи се од разводот или ќе го раскинам договорoт со ПСЖ
Мауро Икарди и Ванда Нара ги полнат страниците во жолтитот печат. Сопругата на Икарди го напушти Париз, се врати во Милано, откако ја откри аферата која сопругот ја имал со актерката Еухенија Суарез.
Икарди, во неделата, побарал дозвола од клубот да не тренира и заминал во Милано за да го спаси бракот. Тој објави заедничка фотографија, но ден подоцна Ванда Нара, објави фотографија на која покажува дека повеќе не ја носи бурмата.
Ванда Нара и покрај обидите на фудбалерот сака да се разведе од него. Медиумите тврдат дека доколку дојде до постапката за развод, тие ќе треба да поделат 60.000.000 евра.
Икарди, од друга страна не се откажува, смислил план како да си ја врати назад сопругата. Планот е поврзан со парите. Радиото Монте Карло, тврди дека тој бил подготвен да го раскине договорот со ПСЖ, доколку сопругата не се откаже од разводот.
Ванда Нара е менаџерот на Икарди, таа го договори неговиот трансфер во ПСЖ, на договорот стои нејзиниот потпис. Во случај фудбалерот да го раскине договорот, Ванда ќе мора да му плати обесштетување од неколку милиони евра на клубот.
Маури Икарди во ПСЖ има годишна плата од 12.000.000 евра, неговиот договор истекува во јуни 2023 година.
?⚽️ | NEW: Mauro Icardi has threatened to leave PSG if his wife Wanda Nara doesn’t return to him
Via @RMCsport
— Football For All (@FootballlForAll) October 19, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.