Спорт
Има ли доказ за расизмот против Нејмар? Во ПСЖ веруваат во тоа
Нејмар може да добие суспензија од седум меча за удирање на Алваро Гонзалез од Марсеј во жустрото дерби во неделата, додека Шпанецот го очекува казна од најмалку 10 меча ако се докажат обвинувањата дека го навредувал Бразилецот на расна основа.
Марсеј првпат од 2011 година го победи ПСЖ (1:0), но мечот падна во сенка на општата тепачка која се случи во судското продолжение, кога пет фудбалери добија црвен картон.
„Видете го расизмот. Затоа го удрив. Единствено жалам што не го удрив идиотот во лице. Лесно е ВАР да ја покаже мојата агресија, а сега сакам да го покажат лицето на расистот кој ме нарече ’мајмунски кучкин син’. Би го сакал тоа“, напиша Нејмар на социјалните мрежи.
Двајцата тренери, Томас Тухел (ПСЖ) и Андре Вилаш-Боаш (Марсеј), не сакаа да потврдат дали имало расистички навреди, а самиот Гонзалез објави фотографија со своите црни соиграчи демантирајќи дека е расист.
No existe lugar para el racismo. Carrera limpia y con muchos compañeros y amigos en el día a día. A veces hay que aprender a perder y asumirlo en el campo. Increibles 3 puntos hoy. Allez l’OM? Gracias familia⚪️Ⓜ️?? pic.twitter.com/4DuUT1PT0x
— Álvaro González (@AlvaroGonzalez_) September 13, 2020
ПСЖ со соопштение денеска застанаа во одбрана на Бразилецот.
„ПСЖ целосно го поддржува Нејмар Јуниор кој беше жртва на расистички навреди од противнички фудбалер. Клубот ги потсетува сите дека нема простор за расизмо во општеството, во фудбалот и во животот. ПСЖ смета на дисциплинската комисија на Француската лига (ЛФП) целосно да го расветли случајот, а останува достапни за сите потребни мерки“, се вели во соопштението на ПСЖ.
Дел од пријателите на Нејмар го поддржаа на социјалните мрежи. Поранешниот бразилски репрезентативец Фелипе Мело јасно порача: „Браво, штета што не играв против овој ебан расист“.
Дани Алвеш, исто така застана во одбрана на Нејмар.
„Во спортот и животот треба да ги инспирираме луѓето, да ги смениме животите и нема место за тие кои промовираат омраза и расизам. Не биди воден со омраза, мој брату“, напиша Алвеш.
Communiqué du club
— Paris Saint-Germain (@PSG_inside) September 14, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.