Најдобриот играч на Денвер Нагетс, Никола Јокиќ, наредната сезона ќе го потпише најголемиот договор во историјата на НБА лигата.

Еден од најдобрите центри во светот на кошарката, во 2018 година потпиша петгодишен договор, за максимална сума од 148.000.000 долари.

Со она што го прикажува на трените во НБА лигата, на 25-годишниот српски репрезентативец му порасна и цената.

Новинарот на ЕСПН, Боби Макс, пишува дека летото во 2022 година, Јокиќ ќе добие „супер-макс договор“, договор кој би бил најголем во историјата на кошарката.

Услов да добие таков договор е Јокиќ да биде избран во една од трите најдобри петорки во НБА лигата, оваа година.

Исто така, покрај Јокиќ, „супер-макс договор“ би можел да добие и неговиот голем конкурент од Филаделфија Севентисиксерс, Џоел Ембид.

Во НБА лигата, во моментов, „супер-макс договори“ имаат Јанис Адетокумбо (228.000.000 долари), Расел Вестбрук (207.000.000) и Руди Гобер (200.000.000).

Коронавирусот ги „избрка“ навивачите од трибините. На некои тимови не им претставува проблем, што ги играат домашните натпревари, пред празни трибини. Таков пример е лидерот во Ла Лига, Атлетико Мадрид.

Според истражувањето на Институтот за спортска историја и статистика (ЦИЕС), Атлетико, сезонава, на домашен терен победиле на 86,7 отсто од натпреварите. Ниту еден клуб, во најсилните пет национални шампионите во Европа, нема ваков учинок.

Блиску до Атлетико е градскиот ривал Реал. Играчите на Зинедин Зидан победиле на 85,7 отсто од натпреварите на домашен терен. Следуваат Баерн Минхен (83,3%) и Манчестер сити (81,3%), само уште два клуба забележале успешност од повеќе од 70 отсто на домашен терен: ПСЖ (72,7%) и Ливерпул (71,4%).

Апсолутни рекордери се Гразгов Ренџерс (Шкотска) и Боде (Норвешка), кои победиле на сите домашни мечеви оваа сезона. Од друга страна ниту една победа на домашен терен не забележале Депортиво Мунисипал (Перу), Вегалта Сендај (Јапонија), Далјен Про (Кина), Зоб Ахан (Иран), Келн (Германија), Дижон (Франција), Лингби (Данска), Ал Јармук (Кувајт) и Ал Итихад (Египет).

Погледнете ја комплетната листа на ЦИЕС.

Се случи и тоа. Ник Кирјос има позитивен коментар за Новак Ѓоковиќ. Кирјос, кој минатата недела го нарече Ѓоковиќ „будала“, во интервју за американската телевизиска мрежа Си-ен-ен, рекол дека „Ѓоковиќ е нашиот Леброн Џејмс“.

Кирјос, во интервјуто истакнал дека се чувствува сигурно во пресрет на првиот Гренд слем во сезоната, Австралија опен. Тој рекол дека Ѓоковиќ мора да се однесува одговорно, бидејќи е пример за останатите играчи.

„Мислам дека е важно да се повикаат играчите на одговорно однесување, особено тоа треба да важи за оној кој е лидер на нашиот спорт“, рекол Кирјос.

„Технички, Ѓоковиќ е нашиот Леброн Џејмс, мора да им дава пример на останатите тенисери. Едноставно не беше вистинското време да го прави она што тој го правеше во екот на пандемијата. Сите ние правиме грешки и за нив треба да одговараме. Мораме да бидеме одговорни. Ние сме колеги, се натпреваруваме едни против други, но никој друг не го прозва за она што го правеше со својот турнир“, заклучил Кирјос.

Првиот Гренд слем во сезоната ќе започне на 8.февруари.