Спорт
Интер е „владетелот“ на Милано и на третото место (видео)
Интер го доби „Дерби дела мадонина“, совладувајќи го Милан со 3:2 на условно „гостински“ терен за да ги прескокне „росонерите“ на третото место на табелата во Серија А во исто време ставајќи крај на победничката низа на градскиот ривал.
Со овој важен триумф за самодовербата на тимот на Лучано Спалети, Интер е трет со 53 поени, два повеќе од Милан, додека на четвртото место е Рома со 47 во интересна борба за местата кои водат во Лигата на шампионите, откако Наполи, и посебно Јувентус се предалеку на врвот.
Интер имаа одлично прво полувреме, во кое рано дојдоа во водство преку Уругваецот Матијас Весино по асистенција на Лаутаро Мартинез. „Нераѕурите“ ја имаа контролата на топката и покрај тоа што Милан неколку пати „притисна“, додека во исто време создаваа многу лесно шанси за гол против слабата одбрана на Мила. Пјатек беше само сенка од неговите одлични партии во претходните мечеви.
Само што почна второто полувреме, Интер го зголеми водството на 0:2, откако Политано од слободен удар го пронајде Де Фрај во 51. минута, кој беше сам и го совлада Донарума без проблеми. Милан успеа бргу да се врати во мечот, откако во 57. минута по слободниот удар на Чалханоглу, Тимуе Бакајоко со силен удар со главата го совлада Хандановиќ.
Како што се врати ентузијазмот кај фановите на „росонерите“, така набргу тој спласна откако во 66. минута беше досуден пенал за Интер, откако Политано беше сопнат од Кастилехо и Лаутаро Мартинез лесно ја врати предноста од два гола. Но, тука не беше крајот – по уште еден скратен корнер во 71. минута, Сусо нафрли, а Д’Амброзио се обиде да го совлада Хандановиќ, но топката отиде кај Матео Мусакио, кој намали на 2:3.
Тогаш играта почна да станува понервозна и погруба и на крајот Милан мечот го заврши со 10 играчи по црвениот картон за Андреа Конти во 88. минута, две минути откако Пјонтек ја имаше својат најдобра шанса на мечот.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.