Спорт
Интер го чека Ливерпул, Баерн гостува во Салцбург
Вечерва првиот осмина-финални натпревари во Лигата на шампионите ќе ги одиграат Интер и Ливерпул, односно Слацбург и Баерн Минхен.
Интер, по пауза од десет години успеа да дојде до нокаут фазата, Лигата на шампионите. Ливерпул, изминатите сезони е редовен учесник во елиминациските борби, во 2018 година игра финале, а во 2019 ја освоија титулата.
Прогнозите се дека Ливерпул се фаворити за пласман во наредната рунда, најмногу и поради тоа то реваншот ќе го играат на домашен терен.
Интер ќе биде без суспендираниот Барела и повредениот Хоакин Кореа, Ливерпул се комплетни за пресметката на „Џузепе Меаца“.
Можно состави:
Интер 3-5-2: Хандановиќ – Шркинјар, Де Фрај, Бастони – Дамфрис, Видал, Брозовиќ, Чалханоглу, Перишиќ – Лаутаро, Џеко
Ливерпул 4-3-3: Алисон – Александер-Арнолд, Конате, Ван Дајк, Робертсон – Луис Дијаз, Фабињо, Алкантара – Мане, Салах, Жота.
Натпреварот ќе го суди Марчињак од Полска.
Баерн се апсолутни фаворити против Салцбург. Баварците сезонава имаа неколку непалнирани киксеви, последниот против Бохум во Бундес лигата, кога за 30 минути примија четири гола.
За натпреварот Јулијан Нагелсман нема да може да смета на голманот Мануел Ноер, Леон Горецка, Алфонсо Дејвис и Џамал Мусијала. Веројатно најголем проблем е голманската позиција. Против Салцбург ќе брани искусниот Свен Улрајх.
Можни состави:
Салцбург 4-3-1-2: Кон – Кристенсен, Онгене, Вебер, Улмер – Сучиќ, Камара, Капалдо – Аринсон – Окафор, Адејеми
Баерн 4-2-3-1: Улрајх – Павар, Упамекано, Суле, Ернандез – Кимих, Толисо – Гнабри, Милер, Сане – Левандовски
Натпреварот ќе го суди Оливер од Англија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.