Спорт
Интервју на Роналдо од 2019 година: Заслужувам да имам најмногу „Златни топки“
Кристијано Роналдо првпат од 2010 година не заврши меѓу првите тројца во изборот за „Златната топка“ на „Франс фудбал“. Наградата седми пат во кариерата ја освои Лионел Меси, а Роналдо во изборот заврши на шестото место.
Ден пред доделувањето на наградите Роналдо се огласи да го демантира уредникот на „Франс фудбал“, Паскал Фере, кој откри дека најголемата амбиција на Португалецот е да има повеќе „Златни топки“ од Меси.
Денес, некој ја ископа изјавата на Роналдо од 2019 година, во која тој открива дека мора да има повеќе „Златни топки“ од Аргентинецот. Роналдо ова го изјавил во интервју што го направи новинарот Пирс Морган.
„Кој рекорд најмногу би сакал да го имам? Би сакал да имам најмногу ‘Златни топки’ во историјата на фудбалот. Тоа го сакам, мислам дека и го заслужувам. Меси е одличен човек и фудбалер, но мислам дека морам да има шест, седум или осум ‘Златни топки’“, изјавил Роналдо и дополнил.
„Ние не сме пријатели, но оваа сцена ја делиме 15 години. Имам добар однос со него, знам дека тој нѐ турка да бидам подобар играч. Тој е најдобриот фубалер против кого сум играл“.
Ronaldo told Piers Morgan he wanted more Ballon d’Or than Messi. So, anybody will believe that he also said the same thing to Pascal Ferré. pic.twitter.com/Q7sCHkO95F
— BeksFCB (@Joshua_Ubeku) November 29, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.