Спорт
Италија и Аргентина играат за трофеј кој досега не е доделен
Италија и Аргентина вечерва од 20:45 часот на „Вембли“ ќе го одиграат мечот наречен „Финалисима“. Овие репрезентации ќе се борат за трофејот кој досега не бил доделен.
Ова е тест на европскиот шампион и победник на Копа Америка, кој беше договорен кон средината на декември минатата година при потпишувањето на обновениот и проширен Меморандум за разбирање (МоУ) меѓу УЕФА и КОНМЕБОЛ, Јужноамериканската фудбалска федерација, кој трае до крајот на јуни 2028 година.
Да потсетиме, Италија ја победи Англија на ЕП по изведување пенали и ја освои титулата, додека Аргентина го прекина постот откако по 28 години славеше над Бразил и го освои 15. трофеј во Јужна Америка.
Натпреварот меѓу Италија и Аргентина ќе се игра во регуларните 90 минути. Нема да има продолженија, што значи дека во случај на нерешен резултат веднаш ќе се шутираат пенали.
„Постои долга традиција на соработка помеѓу УЕФА и КОНМЕБОЛ, за што сведочат натпреварите како што се трофејот Артемио Франки и Интерконтиненталниот куп. Горди сме што повторно го лансиравме престижниот трофеј на радост на фудбалот. Со нетрпение очекуваме да истражиме нови можности и со нетрпение го очекуваме големото финале. Лондон во јуни 2022 година“, изјави во декември претседателот на УЕФА Александар Чеферин.
„На финалето помеѓу Аргентина и Италија на 1.јуни 2022 година во Лондон ќе му се придружат и други врвни спортски настани, како што доликува на традицијата на јужноамериканскиот и европскиот фудбал“, додаде претседателот на КОНМЕБОЛ, Алехандро Домингез.
Џорџо Кјелини против Аргентина ќе го одигра својот последен натпревар за италијанската репрезентација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.