Ветеранот на Милан, Златан Ибрахимовиќ има повреда на десниот бутен мускул и ќе пропушти четири важни натпревари на „росонерите“, вклучувајќи ја пресметката со својот поранешен клуб Манчестер јунајтед.

Ибрахимовиќ беше заменет при вчерашната 2:1 победа над Рома и прегледите покажаа дека има повреда на левиот адуктор, по што ќе паузира најмалку 10 дена, пропуштајќи ги мечевите со Јунајтед во осминафиналето на Лига Европа и дуелите од Серија А, Верона, Удинезе и можеби Наполи.

Со ова, Златан ќе може на мир да отпатува на музичкиот фестивал Санремо, каде што ќе биде посебен гостин и како што е најавено ќе пее во дует со тренерот на Болоња и негов близок пријател, Синиша Михајловиќ.

Пеп Гвардиола смета дека европските и светски шампиони Баерн Минхен се најдобриот клуб на светот и покрај тоа што неговите Манчестер сити имаат 20 победи едноподруго.

Ова го тврдеше менаџерот на Вест хем, Дејвид Мојс, по 2:1 поразот од Сити на „Етихад“ во саботата, кога Сити поставија рекордни 20 победи во низа, но Гвардиола смета дека Ливерпул, како актуелни шампион се најдобри во Европа, додека Баерн се најдобри на светот.

„Најдобар тим во Европа и во светот се Баерн Минхен, бидејќи освоија се што можеше. Тие се најдобри. Во Англија, шампионите се Ливерпул бидејќи се најдобри. Ако сакате да ја земета таа круна, тогаш треба да ја освоите. Во март никој не е шампион. Мора да играме добро, но и да признаеме дека последните неколку месеци беа одлични за нас“, вели Гвардиола.

Баерн во моментов се носители на шест титули – Бундеслига, Лига на шампиони, Светско клупско првенство, УЕФА Суперкуп, ДФБ куп и Германски суперкуп. Барселона, тогаш под водство на Гвардиола, беше единствен клуб кој имаше шест титули во исто време во 2009 година (Ла Лига, Копа дел реј, Суперкопа Еспања, ЛШ, УЕФА Суперкуп и Светско клупско првенство).

Крилниот кошаркар на Валенсија, Никола Калинќ, го обележа месец февруари, во Еверолигата. Калиниќ го предводеше својот тим до три победи, со просечен индекс на успешност 21,3.

Валенсија, во овој период играше со три од четирите првопласирани екипи на табелата: ЦСКА; Реал и Зенит.

Во победите на ЦСКА 105:103, Зенит 91:62 Реал 89:78, Калиниќ забележа просек од 15,7 поени и 5,7 асистенции.

На табелата во Евролигата, Валенсија се наоѓа на деветтото место со 14 победи и 12 порази.