Тотенхем е во напредни преговори со дефанзивецот на Ливерпул, Енди Робертсон.

Робертсон минатата недела потврди дека го напушта „Енфилд“ по девет години.

Тотенхем сакаа да го доведат 32-годишникот како долгорочно решение во зимскиот преоден рок, но „Црвените“ не сакаа да го пуштат.

Клубот од северен Лондон, има голема желба да потпише договор со капитенот на Шкотска, не е постигнат договор, но преговорите се во напредна фаза.

Многу зависи од тоа дали Тотенхем ќе остане во Премиер лигата.

Тие моментално се на 18-то место на табелата, во зоната за испаѓање, два бода зад Вест Хем.

Foto/ Depositphotos

Менаџерот на Манчестер Јунајтед, Мајкл Карик, беше лут по натпреварот со Лидс.

Лидс победи на „Олд Трафорд“ со 2:1, а „црвените ѓаволи“ играа со десетмина од 56-та минута, откако Лисандро Мартинез беше исклучен.

Судијата Пол Тирни одлучи да му покаже црвен картон, откако беше повикан од ВАр собата. Аргентинецот, беше во дуел со Доминик Калверт-Луин, неспортски реагираше кога го повлече за косата својот противник.

„Нема да зборувам за судиите, бидејќи ако зборувам за судиите ќе бидам во голема неволја. Правилата се различни за секого. Можете да го видите тоа во бројот на жолти картони, па затоа е подобро да не кажам ништо“, рече Карик.

Тој е разочаран од судењето.

„Мислам дека момците останаа позитивни и дадоа сè од себе во второто полувреме, по шокантната одлука да го исклучат Лич (Мартинез). Ова е втор натпревар по ред каде што имавме одлука што оди против нас, но ова беше еден од најлошите што сум ги видел“, додаде Карик.

Јунајтед продолжува со борбата за Лигата на шампионите, трет е со 55 бода, исто колку и четвртопласираната Астон Вила.

Foto/ Depositphotos

Руските и белоруските спортисти ќе можат повторно да се натпреваруваат под своите национални знамиња на меѓународни натпревари во пливање и водни спортови, откако Светската пливачка федерација ја укина забраната.

Одлуката беше објавена во понеделник и означува крај на ограничувањата воведени по почетокот на руската инвазија на Украина во февруари 2022 година.

Овој потег означува понатамошно ублажување на мерките против спортистите од двете земји, на кои им е дозволено да се натпреваруваат исклучиво како неутрални натпреварувачи од септември 2023 година.

„Врз основа на одлуката на Бирото на Светската пливачка федерација, во консултација со Одделот за интегритет во водните спортови и Комисијата за спортисти, упатствата за учество за време на политички конфликти повеќе нема да важат за постари спортисти со руско и белоруско спортско државјанство“, се вели во соопштението.

Се додава дека во иднина, спортистите од Русија и Белорусија ќе можат да настапуваат рамноправно со другите, со употреба на национални симболи – дресови, знамиња и химни.

Сепак, постои услов: натпреварувачите ќе мора да поминат најмалку четири последователни антидопинг контроли за да бидат подобни за натпреварување.

Претседателот на Светската пливачка федерација, Хусеин Ал Мусалам, изјави дека целта е да се обезбеди базените и отворените води да останат места каде што спортистите од целиот свет можат да се натпреваруваат во мир.

Одлуката следува по претходниот потег на Меѓународниот параолимписки комитет, кој им дозволи на руските и белоруските спортисти да се натпреваруваат под нивно знаме на Зимските параолимписки игри во 2026 година во Милано и Кортина.

Во меѓувреме, следното Светско првенство во пливање ќе се одржи во Будимпешта во 2027 година.

Foto/ depositphotos