Спорт
Јокиќ ги реши Клиперси, Њујорк без решение за Јанг и Богдановиќ
Никола Јокиќ го врати Денвер на шестата позиција во Западната конференција. Денвер славеше победа над ЛА Клиперс 127:115. Изминатата ноќ Атланта победи во Њујорк, Милвоки го декласира Чикаго, а Голден стејт разочара со поразот во Орландо.
Денвер до крајот на сезоната ќе водат жестока борба за шестото место со Минесота. Сега имаат една победа повеќе од екипата од Минеаполис. Денвер убедливо го победи ЛА Клиперс со 127.115.
Никола Јокиќ го предводеше тимот со 30 поени, 14 скока, шест асистенции, три блокади и две украдени топки. Покрај Јокиќ и останатите играчи од првата петорка постигнаа двоцифрен број поени.
Храмот на кошарката во САД, Медисон сквер гарден во Њујорк го виде шоуто на Тре Јанг и Богдан Богдановиќ. Атланта славеше над Њујорк 117:111. Јанг на навредите од трибините одговори со 45 поени, Богдановиќ го следеше со 32.
Њујорк со овој пораз и теоретски останаа без шанси за пласман во плејофот.
Јанис Адетокумбо и Милвоки Бакс го декласираа Чикаго со 126:98. Булс играат лошо во финишот на регуларниот дел од сезоната, имаат девет порази на последните 12 натпревари, а против Милвоки добиле само еден од последните 16 натпревари.
Адетокумбо со 25 поени и 17 скока, односно Дру Холидеј со 27 поени го предводеа Милвоки, кај Булс Никола Вучевиќ уфрли 22 поени Зек Лавин и Демар Дерозан постигнаа по 21 поен.
Голден стејт без Стеф Кари, со грешките во последната четвртина им овозможија на играчите на Орландо да ја забележат 20.победа во сезоната. Орландо победија со 94:90. Извесно е дека Голден стејт ќе завршат на третото место на Западот. Во првото коло веројатно ќе играат против Денвер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Инзаги по освојувањето на титулата: Неверојатно чувство, момците се исклучителни
Со победата од 2:1 над градскиот ривал Милан, фудбалерите на Интер синоќа ја освоија 20. титула во италијанската Серија А и ја сошија втората ѕвезда над грбот на својот клуб.
Интер ја круниса доминантна сезона во Италија и на пет кола до крајот има 17 бода повеќе од Милан.
„Нероаѕурите“ беа убедливи во текот на целата сезона, на 33 натпревари претрпеа само еден пораз, и тоа на домашен терен од Сасуоло.
Тренерот Симоне Инзаги конечно стигна до Скудетото во неговата трета сезона во Интер.
Едвај ја задржа работата на крајот од првата сезона, кога во финишот на сезоната 2021/2022. му ја предаде титулата на Милан, но минатата сезона го одведе Интер до финалето на Лигата на шампионите, а сега ја освои Серија А.
„Неверојатно е чувството, постигнавме нешто извонредно. Има многу протагонисти во овој успех. Пред се, играчите, исто така и директорите, а потоа и Стивен Жанг, за се што ни овозможи на ова патување. Моите мисли одат и кај моето семејство, сопругата и децата, родителите… Мојата мана е што понекогаш не можам да ја напуштам работата и да ја носам дома, но моето семејство е основата на сè“, рече Инзаги.
Спорт
И Аргентинец ќе суди на ЕП во Германија
Европската фудбалска федерација (УЕФА) го објави списокот на судии на кои смета за претстојното Европско првенство во Германија.
Најмногу претставници, по двајца имаат Англија, Италија, Франција и Германија. Од судиите од регионот, во Германија ќе го видиме само Славко Винчиќ од Словенија, кој ќе работи заедно со неговите помошници Томаж Кланчник и Андраж Ковачиќ.
Словенија ќе има претставници и во ВАР-собата, Нејц Кајтазовиќ (како ВАР судија), Раде Обреновиќ и Јуре Прапротник (како помошни ВАР судии или четврти судија).
Меѓу ВАР судиите ќе бидат и Ирфан Пељто и Сенад Ибришимбеговиќ од Босна и Херцеговина.
Факундо Тељо од Аргентина доби специјална покана врз основа на соработката на УЕФА и КОНМЕБОЛ.
Судии на ЕУРО:
Ентони Тејлор, Мајкл Оливер (Англија), Марко Гуида, Даниеле Орсато (Италија), Даниел Зиберт, Феликс Цвајер (Германија), Клемон Турпан, Франсоа Летексиер (Франција), Дани Макели (Холандија), Шимон Марчињак (Полска), Артур Диас (Португалија), Иштван Ковач (Романија), Иван Крузлиак (Словачка), Славко Винчиќ (Словенија), Хесус Хил Манзано (Шпанија), Глен Ниберг (Шведска), Сандро Шерер (Швајцарија) и Халил Умут Мелер (Турција) + Факундо Тељо (Аргентина).
Спорт
Коман го пропушта Евро 2024
Кингсли Коман (27), крилниот напаѓач на Баерн го повреди адукторот во 49. минута од првенствениот меч со Келн (2:0), го напушти теренот на носилки бидејќи не можеше да застане на десната нога, а се испостави дека станува збор за сериозна повреда.
Требаше да паузира неколку недели, а се испостави дека францускиот репрезентативец ќе го пропушти ЕП во Германија, дознава „Лекип“.
Магнетна резонанца утврди дека закрепнувањето ќе трае подолго од очекуваното, а од самиот почеток беше јасно дека сезоната за него е завршена, но имаше индикации дека ќе се опорави за ЕП, со оглед на тоа што селекторот на триколорите, Дидие Дешам сериозно сметаше на него.
Франција го игра воведниот натпревар против Австрија во Дизелдорф.
Инаку, Коман поради претходни повреди оваа сезона веќе пропушти 13 натпревари во сите натпреварувања, а на тоа ќе додаде уште најмалку шест, во зависност од тоа дали Баерн ќе се пласира во финалето на Лигата на шампионите.
Коман, роден во Париз, ги помина сите младински селекции на Франција, а за сениорската селекција дебитираше во 2015 година. Досега има 55 настапи со осум постигнати голови.