Десетина дена по сообраќајната несреќа во Калифорнија испливаа нови детали за околностите под кои легендарниот голфер Тајгер Вудс (45) излета од патот, удри во дрво и се преврте со своето возило.

Шерифот на округот вели дека Судот не им одобрил да испитаат дали Вудс имал алкохол и дрога во крвта при несреќата. Воздушните перничиња му го спасиле животот, а пожарникарите морале да го сечат лимот за да го извлечат од возилото. Голферот имаше тешки скршеници на потколениците кои се стабилизирани со метална шипка. За среќа, избегната е ампутација, но останува отворено прашањето дали голферот во иднина ќе може професионално да се натпреварува.

Тајгер Вудс беше во безсознание по несреќата, а прв напомош му пришол случаен минувач.

„Замениците на шерифот го прашале возачот како се случил судирот. Возачот рекол дека знае и дека не се сеќава на возењето. Повторно во болница го прашале за судирот и повторно рекол дека на ништо не се сеќава“ стои во полицискиот записник.

Од црната кутија на автомобилот на Вудс ќе се дознае какви биле перформансите на возилото и кои се потенцијалните причини за несреќата по која голферот нема да биде кривично гонет затоа што не било дозволено да се истражи дали бил пијан или дрогиран додека бил зад воланот.

Уште во 2017 година Тајгер бил уапсен поради возење во пијана состојба, а тогаш во крвта му биле пронајдени траги од лековите „амбиен“ и „викодин“.

Аргентинската кошаркарка Антонела Гонзалес стана главна атракција во татковината затоа што во текот на натпревар ја доеше својата 11-месечна ќеркичка.

Гонзалес која настапува за тимот на Томас де Рокамора на мечот против Велес Сарсфилд мораше да ја заврши „мајчината обврска“.

По мечот го објасни потегот.

„Секогаш ја хранам пред натпреварите. Понекогаш и неа, но и мене ми е потребно тоа. Го завршивме разговорот со тренерот, му реков дека ми треба малку време. Се беше принудно. Изненадена сум што нешто толку многу природно имаше таков оддек, но среќна сум поради тоа. Се надевам дека ова ќе е пример за мајките по бременоста и породувањето да можат да се вратат на активниот спорт“ изјави Гонзалес која споменатиот меч го заврши со 8 поени, а нејзиниот тим славеше триумф со 61:44.

Манчестер јунајтед во наредните шест натпревари нема да може да смета на услугите на првиот голман Давид Де Хеа. Шпанецот, не беше во тимот на Манчестер јунатед, синоќа, против Кристал Палас.

Медиумите во Англија, објавија дека Де Хема требало да реши некои „приватни проблеми“, а клубот му го дозволил тоа.

Се шпекулира дека Де Хема нема да се појави во тимот на Манчестер јунајтед до крајот на овој месец, што значи дека ќе ги пропушти и квалификациските натпревари на шпанската репрезентација.

Шпанецот ќе пропушти шест натпревари на на Манчестер јунајтед, вклучувајќи го и градското дерби со Сити, како и дуелите со Милан во Лига Европа.

На голот ќе го замени англискиот репрезентативец Дин Хендерсон.