Легеднарниот поранешен УФЦ-шампион, Џон Џонс, се пофали со своите тренинзи пред камбекот во кафезот, првпат во кариерата во тешка категорија, и фановите беа воодушевени од брзината и моќта на 33-годишниот Американец, кој сега има над 120 килограми.

Популарниот „Боунс“ ќе дебитира во тешката категорија оваа година по доминацијата во средно-тешка категорија и видеото на кое тренира со тренерите Брендон Гибсон и Мајк Винкелџон е импресивно.

„Чувствувам дека добро се движам за дебело момче и кога ќе се вратам во форма, ќе бидам опасен“, напиша Џонс.

Последен меч на Џонс беше контроверзната победа над Доминик Рејес на УФЦ 247 во февруари 2020 по што се откажа од титулата и сега, најверојатно, ќе добие брз обид да ја освои и оваа титула откако шефот на УФЦ, Дејна Вајт, потврди дека тој е прв кандидат за меч со победникот на дуелот меѓу актуелниот шампион Стипе Миочиќ и Френсис Нгану.

I feel like I move pretty good for a fat boy, I believe I’ll be moving at my all-time best once I actually get in shape pic.twitter.com/qjEsXfShid

— BONY (@JonnyBones) February 26, 2021

 

View this post on Instagram

 

A post shared by BONY (@jonnybones)

Црвена звезда испадна во шеснаесет-финалето на Лига Европа иако не беше поразена во двомечот со големиот Милан и тоа ги предизвика „делиите“ да им приредат пречек како на шампиони при враќањето во српската престолнина.

Звезда на „Сан Сиро“ одигра 1:1 со Милан и испадна само бидејќи дома прими повеќе голови при 2:2 ремито. На навивачите очигледно им се допадна начинот на кој игра тимот на Дејан Станковиќ како што може да покажат следните фотографии пред стадионот „Рајко Митиќ“.

На него, пак, тимот на Звезда повторно го изведе голот на Павков, со кој на првиот меч во Белград стигнаа до драматично 2:2 реми.

Тренерот на Барселона, Роналд Куман, признава дека неговата иднина на клупата на каталонскиот гигант е неизвесна објаснувајќи дека секогаш има притисок кога си тренер на толку голем клуб.

Холандската легенда на Барселона се врати во својот стар клуб минатото лето во обид да донесе стабилност во тимот по катастрофалниот 8:2 пораз од Баерн Минхен во ЛШ минатата година и отказот за Кике Сетиен.

Меѓутоа, Барса не блеска оваа сезона – таа е трета во Ла Лига зад Атлетико Мадрид и Реал Мадрид, а во првиот меч од осмина-финалето на ЛШ загуби дома од Пари Сен-Жермен со 1:4.

„Знам дека има многу притисок кога си тренер на Барса. Ако не победуваш, тогаш вината е кај тренерот. Не знам што ќе се случи во иднина, но има време да се размислува за тоа“, изјави Куман пред да ја прекине прес-конференцијата поради крвавење од носот, последица на лекарствата што ги зема за срцевите проблеми.

Куман имаше срцев напад во мај 2020 година, но бргу закрепна и продолжи да биде селектор на Холандија додека не го повикаа од Барса.

Човекот што помина шест одлични сезони како фудбалер во Каталонија досега ги предводеше Барса во 37 меча, од кои победи во 23, но имаше и 8 порази. Покрај резултатите, за неизвесноста влијаат и претседателските избори во клубот откако еден кандидат, Виктор Фонт, постојано тврди дека ќе го смени Куман со Чави.

😥 Rueda de prensa accidentada…

🩸 Koeman rompe a sangrar en mitad de su comparecencia

📺 #Golazo pic.twitter.com/b0nsiTdxFx

— El Golazo de Gol (@ElGolazoDeGol) February 26, 2021