Селекторот на фудбалската репрезентација на Франција Дидие Дешам во наредните денови ќе го продолжи договорот со Фудбалскиот сојуз на оваа земја. Новата соработка ќе трае до 2023 година.

Актуелниот договор на Дешам истекува по Европското првенство. Челниците на Сојузот имале желба тој да се обиде да ја одбрани светската титула, поради што му понудиле нов договор.

Дешан е селектор на Франција од 2012 година. На СП во Бразил стигна до четврт-финалето, на ЕП во 2016 го освои второто место, а круна на неговата досегашна кариера е титулата на Светското првенство во Русија.

Вечерва во групите Е, Ф, Г и Х ќе се одигра последното коло во Лигата на шампионите. Познато е дека од оваа половина пласман во осмина-финалето веќе обезбедија Барселона и Лајпциг.

Европскиот првак Ливерпул неочекувано во последното коло ќе ја решава својата судбина во Лигата на шампионите. „Црвените“ гостуваат во Салцбург и со евентуален пораз ќе ја завршат сезоната во елитата.

„Знаеме дека ова за нас е финале. Секогаш одиме по потешкиот пат. Навикнати сме на вакви работи. Знаеме дека Салцбург ќе дадат се од себе за да не победат. Нив само победа ги носи во осмина-финалето. Ние сме лудо амбициозни, ќе се бориме. Ова за нас е најважниот меч од почетокот на сезоната“, рекол менаџерот на Ливерпул Јирген Клоп.

Во оваа група на Наполи му е потребен бод против Генк за да обезбеди осмина-финале. Победа или нерешено ги носи во нокаут-рундата и Ливерпул. Во случај на пораз Ливерпул ќе испадне, а во осмина-финалето ќе оди Салцбург.

Барселона е сигурна во својата група, поради што против Интер ќе игра без најголемите ѕвезди. Победа ги носи Интер понатаму бидејќи имаат подобар меѓусебен скор од Борусија.

Лајпциг од Г-групата се веќе во осмина-финалето, а вториот патник од групата ќе биде Зенит или Лион. Русите со победа во Лисабон над Бенфика ќе бидат осмина-финалисти.

Три екипи се во трка по двете места во Г-групата. Челси на хартија имаат најлесен противник. „Сините“ само треба да победата против Лил и ќе бидат сигурни осмина-финалисти. Ајакс ќе ја пречека Валенсија и со бод ќе си обезбеди пласман меѓу најдобрите 16 екипи во Европа.

Група Е:

Салцбург-Ливерпул
Наполи-Генк

Табела: Ливерпул 10, Наполи 9, Салцбург 7, Генк 1

Група Ф:

Интер-Барселона
Борусија Дортмунд-Славија Прага

Табела: Барселона 11, Интер 7, Борусија 7, Славија 2

Група Г:

Лион-Лајпциг
Бенфика-Зенит

Табела: Лајпциг 10, Зенит 7, Лион 7, Бенфика 4

Група Х:

Ајакс-Валенсија
Челси-Лил

Табела: Ајакс 10, Валенсија 8, Челси 8, Лил 1

Натпреварите во Е-групата ќе започнат во 18.55 часот. Во останатите три групи мечевите ќе стартуваат во 21 часот.

Српскиот репрезентативец Немања Бјелица со звукот на сирената им донесе победа на Сакраменто Кингс во Хјустон. Мечот во Тексас заврши со победа на Кингс 119:118.

Со оваа победа Сакраменто ја прекинаа низата од десет порази кога играат во Хјустон, а која започна во 2013 година.

Одличниот меч што го одиграа Хјустон и Сакраменто беше решен во исклучително незивесна завршница. При резултат 113:113, Мелемор погоди тројка за Хјустон, а веќе во наредниот напад израмни Хилд.

Во последната секунда Вестбрук погоди за нова предност на Хјустон, а по тајм-аутот на Лук Волтон топката дојде до Бјелица кој погоди тројка со звукот на сирената и на Кингс им ја донесе десеттата понеда оваа сеозна.

Бјелица мечот го заврши со 17 поени, пет скока, четири асистенции и три украдени топки, неговиот сонародник Богдан Богдановиќ уфрли 13 поени. Најефикасен кај Сакраенто беше Бади илд со 26 поени, четири скока и шест асистенции.

Хјустон го предводеа Расел Вестбрук со 34 поени, односно Џејмс Харден со 27 поени 10 асистенции.