Спорт
Јунајтед на суд ќе го раскине договорот со Роналдо

Драмата, која со контроверзното интервју, ја режираше Кристијано Роналдо најверојатно ќе добие судска разрешница. Во интервјуто со Пирс Морган, кое интегрално беше објавено во јавноста во средата и четвртокот, португалскиот напаѓач жестоко ги критикуваше клубот, газдите, тренерот Ерик тен Хаг и некои соиграчи.
„Дејли мајл“, тврди дека Манчестер јунајтед сака на суд да му го раскине договорот со Роналдо и да избегне да ги плати 16.000.000 фунти кои допрва треба да му ги исплати според договорот.
Роналдо, како што пишува „Дејли Мејл“, има плата од 500.000 фунти неделно, а договорот му истекува во јуни 2023 година.
Наводно адвокатите на Манчестер јунајтед веруваат дека клубот има право да го раскине договорот со Португалецот бидејќи тој го прекршил кога го дал интервјуто. Да потсетиме, Роналдо веќе имаше ексцеси оваа сезона. По натпреварот против Тотенхем, тој беше суспендиран бидејќи одбил да влезе во игра од клупата за резерви.
Потоа се извини и беше вратен во тимот, но реши да излезе во јавноста и да го критикува клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Марко Трајаноски со историско злато за Македонија на Европското првенство во ММА

Македонија испиша историја на Европското првенство во ММА, кое се одржа во Белград, Србија.
Македонскиот репрезентативец Марко Трајаноски, член на клубот „Д Стронгест“ Скопје, го освои првото европско злато за нашата земја, постигнувајќи извонреден успех на најголемата европска сцена во аматерскиот ММА.
Тој освои четири победи против Бугарија, Романија, Украина и Италија за само еден ден.
Овој подвиг е огромен чекор за македонскиот ММА.
Спорт
Леброн Џејмс: Наскоро ќе ставам крај на мојата професионална кариера

Кошаркарот на Лос Анџелес лејкерс, Леброн Џејмс наскоро ќе ја заврши кариерата.
– Не останува уште многу време. Едноставно тоа е реалноста и треба да се прифати. Наскоро ќе ставам крај на мојата професионална кариера, изјави Џејмс за американските медиуми.
Во тековната сезона, 40-годишниот Леброн Џејмс одигра 48 натпревари во регуларниот шампионат на НБА, на кои имаше просек од 24,3 поени, 7,7 скока и 9 асистенции.
Големата НБА-ѕвезда во текот на својата богата кариера има настапувано и за Кливленд кавалирс и Мајами хит.
Спорт
Крстијан Киву ја презеде Парма

Парма го реши проблемот со главниот тренер и за нов тренер назначи романски стручњак.
Како што пренесуваат италијанските медиуми, финализирани се преговорите меѓу управата на клубот и 44-годишниот Крстијан Киву. Романецот доаѓа на местото на Фабио Пекија.
Парма е во серија од седум натпревари без победа во Серија А и падна во зоната за испаѓање.
Раководството на Парма првично беше заинтересирано за Игор Тудор, но сепак го избра Киву, чие тренерско искуство досега беше ограничено само на младинските тимови на Интер, со кои работеше од 2018 година до минатото лето.
Според пишувањата на медиумите, Киву во понеделникот вечерта пристигнал во Парма на разговори со раководството на клубот.
Парма нема победа во Серија А од декември, по 25 кола има 20 бода на 18. место и заостанува еден бод зад Емполи, кој е на 17. место.
Киву ја започна кариерата во родната Романија, а играше за Ајакс, Рома и Интер, каде ја заврши кариерата во 2014 година.
Играше за романските млади селекции, а за А тимот од 1999 до 2011 година одигра 75 натпревари и постигна три гола.