Спорт
Јунајтед не успеа да го „скрши“ Ливерпул на „Олд Трафорд“ (видео)
Големото дерби на англискиот фудбал помеѓу Манчестер јунајтед и Ливерпул на „Олд Трафорд“ донесе малку убав фудбал, но без голови и со многу повредени фудбалери. На крајот, со овој резултат, Ливерпул се врати на првото место во Премиер лигата, но само со еден поен предност пред Манчестер сити, додека Јунајтед го загубија четвртото место на табелата од Арсенал, кои со 2:0 ги победија Саутемптон.
Првото полувреме беше „неверојатно“ за „ѓаволите“, откако Солксјер беше приморан да ги направи трите измени во првите 45 минути од натпреварот, а малку среќа имаа и Ливерпул, откако Роберто Фирмино се повреди.
Јунајтед, кои мечот го почнаа без Немања Матиќ, кој се повредил на саботниот тренинг, остана без Андер Ерера, Хуан Мата и Џеси Лингард. Ерера доби повреда на бутниот мускул по помалку од 20 минути игра, Мата кратко потоа го повреди скочниот зглоб и беше заменет со Лингард, кој на крајот на полувремето се повреди и Алексис Санчез мораше да го заземе неговото место.
Ова е првпат еден премиерлигаш да ги направи сите замени во едно полувреме откако Барнли го направија тоа во јануари 2015 во меч против Њукасл.
На теренот, во првото полувреме, Јунајтед ја имаа најдобрата шанса преку Лингард, кој доби фантастична топка од Ромелу Лукаку, но тука беше подготвениот голман Алисон Бекер, кој мајсторски ја исчисти топката.
Ливерпул имаше малку шанси и во второто полувреме, но во 71. минута сметаа дека се оштетени, барајќи пенал откако Мектоминеј го „грабна“ Матип, кој упати удар со главата. Само пет минути подоцна, топката се најде во мрежата на гостите, меѓутоа Крис Смолинг беше во офсајд кога топката ја упати кон Матип, кој ја смести во својата мрежа.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.